ياشمس بكرا شعر . صابرقدح
ياشمس بكرا
. صابرقدح
يا شمس بكره يا اللي مش عايزه تجينا
لا انت غايبه ولا بتاخدينا في حضنك يدفينا
تلاعبينا زي زهر الطاولة بترمينا
وفي كل رميه تسقفي.تبكينا
قلوبنا في ايديكي متعلقه بيكي
لعبة الموت اللي بتمارسيها فينا
كنت قلتي نبطل الحلم وما ننامش
وما نقولش وما نفوتش في جدار الصعب اللي اتفرش لينا
يا شمس بكره يا ذكرى يا فكره جميله بتطل علينا
امتى ترجع لينا تكعيبه العنب
وتمطر علينا حبات الرطب
والضحكه اللي من غير سبب
تملى غناوينا
واللى منا يحبونا ويحيونا
ويرجعوا الضحكة من تانى
ياشمس بكرا
صابر قدح
