سمعاك ياقلبي بتناديه بقلم الشاعرة والأديبه حسنه محمد
سمعاك ياقلبي بتناديه….
وهعمل مش سامعاك. …
هعمل ناسيه….
هعمل قاسيه….
بطلت أجري وراك…
ليه ياعيني زايغه…
هنا وهناك…
بتدوري ليه عليه….
عايزة تطفي شوقك وتلمحيه…
اوتقري كلمه تحنن القلب عليه….
تطفي الشوق اللي مش قادرة تداريه…
طيب ومالة هيجري ايه…..
ماانا روحيي بتناديه…
وقلبي ملهوف عليه….
كفايه ياقلبي بطل دق…..
بطل زن.. بطل تضغط
وتحن وترق…
انت ايه ياقلبي غاوي
تعب… مبتتعلمش
كل يوم ينكسر فيك حته
بتتالم وتتوجع وبتكابر وبتعافر
ومبتحرمش…..
جروحك كتير متتعدش
دموعك نيل وقت الفيضان…
اتعودت على العصيان…
بتحكم وتتحكم وانا تحت امر جنابك…..
بتحلف الف يمين
بطلت اصدق حلفانك….
أوعي تسامحه ياقلبي
دا متهني بعذابك….
فرحان بهجرك وخصامك….
بيبعد ويعند مش فارق معاه
ولاحاسس بشوقك وغرامك….
باع الود ونسي العهد رمي
نفسه في حضن غيرك ونكر الهامك….
راجع يطلب السماح
ماهو عارفك ضعيف
مبتقدرش تصد ولاترد
وعذابك مستباح…
بكلمه منه وإشارة
بتركع وتخضع وتسامح..
وتعترف انه حبيبك
جابه القدر ليك بقي نصيبك….
سامحه ياقلبي ماانت ياما سامحت كتير…
وعمر ماكان غصب او ضعف منك
دا لانك كبير….
وبتحبه كتير….
سامحه ياقلبي
بقلمي
#حسنه_محمد
