غفلة بقلم نشوى الخطيب غفلة راحت عليك نومه ملحقتش الأمتحان هتحس بالتوهه عقلك مليه الهزيان هتعدى ع الواقع يرمى عليك سهمه هتجرى من واهمه تصبح شريد هربان ف محاولة تتعايش تمسك امل بايش بيسيح مابين يديك تفضل عليه تقرط ف العمر بتفرط والحلم يتشرط يتحرى ويفاوض عايش ومش عايش قلقك بيسرح فيك وهمك بيلعب بيك الحلم بيشوطك مقطوع حبال صوتك فالسكه تتمرجح والوصف بالارجح انك كما الكورة مستسلمة لشوطه جايز تفوت ع الجون وتحس بالخبطة وتنطها النطة وتعدى ف العرضة ايامنا كات فارضه مافيش هروب منها لازم ليها نذاكر تحفظ ومش فاكر عقلك دا ليك ناكر راجع يلم الأمل ف محاوله للمحتمل تمسك إيديك ف سراب تفتح لنا السرداب نفسك يكون مقطوع. ف سرده الموضوع. خطوة وملها رجوع لويوم عليك راحت نومه أحلم تعدى الإمتحان
