بدون عنوان شعر الأديبة نشوي الخطيب

بدون عنوان

اهو كله كلام
وبدون إلهام
نصى الآتى
محتاجة اظبط اوقاتى
و رميت دفتر يومياتى
وبانور شامعة احلامى
وجريت ع النيل
غنى المزمار قال مواويل
و سحبنى لعالم احلامى
قال سحره جميل
و القافية دي غاويه ترازينى
تغرق فيا وبترمينى
الوزن بيزعق يربكنى
التكة ترن تكربجنى
الصرخ حروف
عامي مابشوف
الدمع متبت ف وتينى
سجاد مسحور
لف وداربى
طاف بيا وعدا للحواديت
دنيا وبتدور
مكتوب اشوفها وبعينى
و أطوف ف بلاد
انا كلى سهاد
راح اكر خيوط من ماضى وفات
يوجع فيا أو يحينى
و نزفت بحرقةعلى سنينى
وف حضن الليل
انا شوفت الويل
كريت الذكرى وليا دليل
عفريت الساعة اتنططلى
العقرب جاى بيقرصنى
بانزف وباشر فى أيامي
لحظه نسيان
عشت التوهان
وكتبت الذكرى بحنينى
فرميت دفتر يومياتى
ورسمت حياتى بيقينى
نشوى الخطيب
مصر