عيل جدع كلمات / محمد شاكر ابراهيم عيل يا دوب اربع سنين. وارث ابوه ف هموم حياته وضحك كل الناس عليه مستني ابوه من قد ايه علشان يجبله ف شنطته حفنة وجع وخيبه ماليه هدمته ويديهمله في كيكه مليانه عسل هم ف عسل وعشان ولد لساه صغير بيطير عليه وبيحضنه ويشد ضهر ابوه بضحكه وطبطبه ويوري امه اللي ف عنيها خيبة امل نظرة ابو في عودته ويغيظ ف اخته اكمنها مكسور عنيها ف وش ناظر مدرسه مستني مصاريف الكتب عيل عبيط لكنه عيل لم يعي ان الحياه شيلاله ورث كبير كان شيله ابوه علشان يعيش ولا شفش ابنه بيلعنه في كل لحظه بيفتكر ضحكة عنيه مع حبة الكيكه اللي فيها نشوته كسرت عنين اخته ف وش المدرسه نظرة عنين امه اللي هربت م الموجع في الوقت دا اتمني يرجع كام سنه علشان يشيل الطبطبه من ضهر ابوه عيل يا دوب اربع سنين وارث ف سته قلبها دمعة عنيها اللي بتخلع م الجدور وارث ف جده العند والجباروت والليل يخاف لفيوم يقرب نحيته ويحربه ف الخوف اللي زارعه ف الصدور بلمحها لما ف يوم بيغضب م الغدا اشمعني كل عيال عمومتي بيضحكوا ومسكين فراخ وعاوزني ليه اكل وجع لكنه دايما بيدريها ف حجته ان البكا علشان اسيبه لجدته عيل جدع لكنه جي بضلع اعوج وضهر غرقان ف الفشل عيل خساره يقولي بابا علشان فايتله م الخيابه دواوين تعشم ف الغلابه وحروف بتطلب دعوته وتقوله انه ماكنش يقصد يتعبك ف قراله يابني فاتحتك ولا تلعنوش ف كل لحظه بينده اسمك بابوك ولا تورثوش يوم ف الفشل عيل يا دوب اربع سنين لكني خايف اشوف عنيه متشعلقه ف ضحكة عيال فرحانه باللبس الجديد
