امبارح ... بقلم/ محمد شاكر كان بيغذي وريدي شعاع الشمس كان بينقط كل حروف الهمس واللمس والدوبان في عروقي اللي انفتحت على الدنيا من غير ماتخاف من معتقدات أو عرف امبارح كان عُرس بيني وبين النور في الضلمه - تعرف ترقص؟ - قلبي بيرقص بس انا شاعر طيب اقلع وانت تشوف مجازات الواقع احلى شبك ايدك غمض عينك حس بكل مشاعرك حضني امزج ريحة جسمك ويا فانيليا جسدي ودوب حاسس ايه - حاسس اني بحب الرقص - فتح عينك - لامافتحش لسه بلون كل خيوط الضلمه ف عقلي لسه بشق الحلم ف حضنك لسه بدوق بإيديا مشاعرك نفسي نعيش احساسنا ف نور - فتح عينك شايف ايه؟ - شايف ان الضلمه جميلة بتخليني ادوق الفرح وانا غرقان في بحور الوحده زي العاده
