قالي سامح في اللي فات بقلم محمود رمزي خليف تلقى من ربك سلامه دا أنت ربك عنده آخره عنده جنه عنده نار عنده عدل وعنده رحمه لسه يامه رد صمتي في لحظة وحده قولي حبه يمكن أنسي إحكي حبه علي البراح عند جدي وعند أبويا ناس فكرهم بالبراح ناس تفارق ولسه إيدهم كانت دوا لكل الجراح أما دول مش خبايا دول ديابه عيشا بينا قولي كيف القلب ينسي اللي سابق بالعداوه؟! واللي جنبي في وشي ديمًا حاشي قلبه بالقساوه اللي عامل فيهاأخويا واللي مره يقول ياصاحبي وابن عمي وابن خالي كله خالي وأصله فاضي هو زارع بس ليا يجي فدان م الغباوه واللي مني واللي أهلي واللي إيدهم كل مره هي أول إيد في دمي كل ما انجح بيعدوني ناس تصقف وتساندي وهما أول ناس تملي عن نجاحي بيبعدوني هما أول ناس بتهتف (أصله فاشل من البداية) قلي فرق مابين فروعك وأي فرع في وسط غابه وأي فرع بيبقي وحده يبقي طعمه للغلابه قلت هبقي نخله واقفه في العلالي يشوفوا ضِلِّي هبقي شامخ كيف ما تبقي هبقي ضد الريح تملِّي أي حد هيجي مني يلقى ريح ردي شراره حاجه تشبه للحجاره مهما تحدف فيا طوبه تلقي مني النار تَملِّي بس خاف الرد ديمًا إوعي مره تقولي توبه واوعي تحسب دي طيابه إوعي تيجي لحد عندي تعتذر وتقول سماحه أو حتي أنسى وبالسلامه إوعي تحلم بالشروق لسه بكره فيه غيامه يكفي إني لما بحضر تنكشف وتكون حثاله مهما تعلى ولا تكبر أخرتك٠٠ كوم الزباله ولا فاكر دي شطاره دا اللي يعلي بمدح ناس بكره يبقي مسخه ليهم واللي قالوا عنه شاطر بكره يبقي خيبه بيهم الي شاف الحق باطل واللي ظالم واللي عاطل واللي فاكر إنه حاكم واللي وشه تملي ساعي هو نعجه بتوب نزاهه واللي تافه واللي ناكر م البداية إوعي تيجي تقولي سامح أوتقولي ياعم إنسى إنت عارف ردي أصلًا تنضرب وسط الي علُّوا أو هتلقي رد جاهل جهلك إنت يا كوم حثاله في النهاية قلت أسيبك لسه ربك عنده يامه عنده آخره والحساب واللُّقا يوم القيامه 💪 بـــس كفاية 💪 ديوان #ما_لم_يقله_جرير_للفرزدق
