اللي بيحبنا.. يعبرلنا بقلم/ مروة المصري

اللي بيحبنا.. يعبرلنا بقلم/ مروة المصري

و بغض النظر إن في ناس ما بتعرفش تعبر و ناس تانية بتعبر غلط..

لكن الشخص اللي بيعبر عن حبه صح

ما بيقولش كلمة (بحبك) على اد ما بيتصرف بحب.. 

هتلاقيه بيعمل كل حاجة بتقول أنا (بحبك)

و مش صحيح أن التعبير عن الحب مكلف زي ما بنشوف الايام دي

بوكس مليان شيكولاتة و فلوس…

ولا هدية غالية…

ولا مفاجأة نصورها و نحطها ع الفيس و نقول لم علينا عبيدك يارب و تعالوا شوفوا بحبه / ها ازاي

بالعكس كل الحاجات دي ممكن تتعمل و مايكونش حب بجد.

❤️اللي بيحبك هو اللي بيسندك في أي وقت تحتاجه من غير ما تطلب..

❤️اللي بيحبك بيتمسك بيك و يغفر لك أي غلطة مش مقصودة منك من غير ما يقعد يأنبك و يذلك و ينصب لك محكمة..

❤️اللي بيحبك هو اللي بيقدرك و بيقدر وجودك في حياته ودايما بيشتري خاطرك..

❤️هو اللي بيساعدك تبقى أحسن..

❤️اللي بيحبك هو اللي عنده استعداد يعمل أي حاجة بس يشوفك مبسوط 

و الدنيا تسود في عينه لو شافك بتتألم أو موجوع…

❤️اللي بيحبك هيدعيلك و يدعي ربنا إنك تفضل معاه العمر كله..

❤️اللي بيحبك مش هيأذيك و يجرحك وحتى وقت عصبيته لو قالك كلام ضايقك بيندم عليه و يعتذر عنه..

اللي عنده حد بيعمل معاه كده يعرف أن الشخص دا رزق كبير من عند ربنا و يحمده عليه..

الرزق أحيانا بيكون على هيئة أشخاص..

🔴الحب مش بالكلام الكتير…الحب بالتقدير.

#من_وحي_العلاقات 

#الحب_تقدير

مروة المصري