كتبت نهى عبد المتعال الباحثة فى الشئون السياسية .
بالنسبة لموضوع المقاطعة ده شئ جميل جدا وأنا ادعمه قلبا وقالبا
ومن أهم مقومات المقاطعه هو توطين صناعه الخامات
على سبيل المثال وليس الحصر
المواد الحافظة
البكتين
الأحماض العضوية
اللبن البودرة
المستحلبات
الشاى الخام
القهوة
المواد الملونه
الكاكاو الخام
خامات الحلويات …
الحل لازم يبقى فى صناعة قوية جدا لخامات الصناعات الغذائية .
بس أهم من المقاطعة هو الاستمرار فيها وتحويلها فعلا لأسلوب حياة لكى تستطيع من خلاله تبدأ تنشر الوعي ده
فعندما تقاطع منتج بذاته فلاتكتفى ببوستر يضم فى محتواه برندات وعليهم قاطع
كل منتج بتستخدمه اعمل عليه ريسيرش مناسب ودور بنفسك مش لازم المعلومة تجيلك لحد عندك
كل البراندات عندها مواقع الكترونية تقدر تسألهم وليهم صفح على الانستجرام
انا نفسي بقيت مقاطعة المنتجات التى بتستخدم اختبارات على الحيوانات (منتجات البشرة والشعر)
بحاول استخدم منتجات المواد التى تعاد تدويرها وهكذا
فهي ليست بالكيلو
قبل ما تقاطع منتج شوف بدايله ايه وهتلاقي كتير
وخطوه بخطوه هتجد ان استهلاكك نفسه طبيعته اتغيرت
هي رحلة طويلة بس أساسها فعلا هو جمع المعلومات والمعرفة متكتفيش ببوست او ببوستر
حاجة كمان اعرف انت بتقاطع ليه وتذكر دايما السبب الذى دفعك لفعل ذلك لكى تكمل المشوار .
