من روائع اللهجة المصرية كلمات ليس لها مثيل عند كل العرب بقلم : د. عاطف عبد الجليل
كلمة “الإيد” في اللهجة المصرية ملهاش مثيل
- إيده بيضا : ذو فضل .
- إيده ماسكة : بخيل .
-إيده فِرطَه : كريم .
- إيده طايلة : قادر
- إيده طويلة : حرامي .
- إيده خفيفة : نَشَّال .
- إيده مخرومه : مبذر .
– إيده طرشة : بيضرب جامد وف أي حته .
- إيده علي قلبه : خائف.
-إيدك : يعنى قبضني
– إيدك معايا : ساعدني.
- إيد ورا وإيد قدام : معرفش يعمل حاجه .
– تسلم إيدك : ألف شكر .
– إيدك مِنُّه و الأرض : مفيش منه فايده
-إيدك عالمعلوم : هات الفلوس
– والإيد قصيرة : مفلس.
– ايدك ياللي تتشك : كناية عن التحرش
- اللي إيده في الميه مش زي اللي إيده في النار: مش حاسس بغيره
- ماسكُه من إيده اللي بتوجعه : ضاغط عليه
– إيده تتلف في حرير : يعني شاطر وماهر
– إيده تتلف في جلة : يعني صنايعي فاشل
وغير ذلك كثير فاضل بقى نقول
علي (إيدك) يا اسطى نزلني هنا
