لسـاها بنــيه
بقلم / معوض حلمي
وقت الهديل الشـوفه للموعود
شكل الوليف ويا الوليفه يجن
دندن وغـني ع الـوتر والعــود
وادعي اللي بطل للغلابه يحن
لف الحواري واوصف الموجود
الخوف وداير ف المدار مايون
مصر الكريمه لسه ناويه تجود
لساها شايله ولادها جوا النن
وقت المطر إطلع وعبي إيدي
واغسل عفارك من على وشك
إنده ولـم المتعـبين حــواليك
واثبت وخلي ف حضنهم عشك
واسرح معاهم سرحه هاتخليك
خايف وكاتم صرخه هاتحشك
مصر الأبيه لسه عاشقه عينيك
فاوعى اللي ناكر ودها يغشك
وقت الصراخ الفزعه مش هيه
لابـد تهـدى وتفهــم الفـــوله
أحيان بتبقى الصوره مخفيه
عشـان تشـدك دايره مقفوله
فاوعاك تصدق فكره مؤذيه
لناس قلـوبها سـوده مغلوله
مصـر الصبيه ، لسـاها بنيه
وحبالها حنيه حوالينا مفتول
وقت الوجـع الحزن بيمدد
والفرح لملم دمعه ومسافر
فإياك تزيد القسـوه وتعدد
وتسيب جروح الخلق بتعافر
مـد الإيدين اللمـه بتجـــدد
عزم الولاد السـمر وتناصـر
مصر القويه بتنادي وتشدد
ياولاد بهيه ، الهمه ع الكافر
بقلمي خون أنوب الجديد معوض حلمي
منشأة بطاش .. تمي الأمديد .. دقهلية
