اشهد يا تاريخ ..بقلم الشاعر / محمد عبد الستار اشهد يا تاريخ علي عالم كامل بيبرر موت الأطفال علي ناس بتموت جوا بيوتها من أبشع ناس وباسم التار واشهد علي ناس باعت دينها أو خانوا أمانة حق الجار واشهد علي ناس حكموا علينا بالذنب ووصمة ذل وعار واشهد يا زمان علي شعب كانت أقصي طموحه في الدنيا أمان علي شعب اختار يخسر روحه بس مايخسرش فأرضه مكان واشهد علي ناس شافت موتهم أو دم الطفل عليهم هان علي واحد قادر يساعدهم واداهم ضهره لانه جبان اشهد يا زمان .. الدم العربي بيتوزع علي ايد أجبن سكان الأرض من ناس منزوعة من النخوة ولا ليهم أصل ودين ولا عرض واشهد علي كل الي سابوهم مع ان دفاعهم عنهم فرض واشهد علي كل الي خانوهم وباسم الخوف ناسيين ان احنا علي الدنيا زوار وضيوف وهاتبقي سيرتهم وخيبيتهم وياهم عايشة ليوم الدين في تاريخ بيسجل مابينساش وحكالنا زمان قصة فرعون وكمان عرفنا صلاح الدين عرفنا كمان ان الخاينين أسوأ مالظالم في الروايات وعدوك مش هو الظاهر ده عدوك صاحب بيبيعك وقت الأزمات اضربوا الناس في المساجد ..واقتلوا في الأمهات موتوا الشيخ الي ساجد .. ده الضمير العربي مات زودوا أكتر وأكتر طول ما صوت الحق ساكت طول مافينا حد قادر والمروءة فقلبه ماتت والتاريخ عمال يسجل وربنا عالكل شاهد يالي مسؤول عن بلادنا يا عرب ويا مسلمين لو سألنا يوم ولادنا عن ابادة شعب كامل هانجاوبهم كنا فين بكره يجي الدور علينا وغيرنا برده هايدعي لينا مؤمنين لكن تعبنا يبقي دورنا ان احنا ندعي أو نقول كلمة آمين
