فرصة تانية للحياة ..للشاعرة / نشوى الخطيب الحلم واقف زنهار بينور السكة كل الطريق أخطار ووقعت من بكرة دى عتمه ولا نهار حلمى اللى كان فرحة أصبح خلاص ذكرى وجريت على الجتة يمكن تفوق تانى العتمة سرقانى والآهه محروقة الدمع سهانى وبصرختى بنهار قالو الطريق مقطوع وأنا كنت مش شايفة فرصة وفيها رجوع يارب أنا خايفة الآهه محروقة بتطلع تهز الكون الروح دى شفافة ولا حتى متشافة مهما بكيت وصرخت ع الأرض إطوحت الكل بقى باكى رفعت عينى لفوق لربى أنا شاكى فرصه يا ربى افوق احيينى من تانى بنتى دى شكيانى تصرخ وتقول ياااانى ولمين فيتانى تركانى ليه وحيدة ياسكتى بعيدة مبتورة فيها رجلى على الصراط هجرى ولا ح اكون زاحفة دا منام دا ولا كابوس ياحظى المنحوس محتاجة للفرصة رسالتى مش خالصة ليه موتى كده كارثة والفرصه مش سانحة حلم ورمانى بعيييد لسكه الاموات بٓعد ف الأوقات روحى مفرقانى سارحه تشوف بنتى هى اللى شغلانى آه م الوجع يااانى والتوهه والغرقه واحساسى بالفرقه
