ولسة ايه يتقال ..شعر/ صابرقدح ولسة فيه ايه يتقال لاشعر ولا ادب ولاموال ولاسيرة ولاغيرة ولاقلنا ولاقال ولادمع فى عيونّا يروّق شوية..البال ولادم فى الشريان بيسير ولافى جمل ولاحتى جمَّال داسو الخنازيرعلى رقابينا بالجامد واحنا بالعاند بنعاند وبنساند المحتال والمحتل الجبان قوّينا قلبه بالأفعال وبالأقوال سيبناهم يزوّروا ويكدبوا ويلعبوا فاللقمة الحلال بعدنا عن ربنا وعبدنا المال وعبدنا تقصيرناومقضينها احتيال صدرى بيضيق وصاحبى واخويا وكمان الصديق ماحترمناش نفسينا إزاى الخنزير يحترم كلام العيال آن باترسون قالت بلادنا هاتفلس وبتغلس على غزة وسينا والأهرام وقناة السويس حسبوها ورث الخلاعة والأندال ملعون أبو الضعف اللى قتل جوانا الإحتمال وإحتمال يرجع الدم لعروقنا ويشوفوا العمى فى شروقنا ونرجَّع راية الإسلام وحياة الدم اللى روى أرضك يابلدى مايشموا ريحة ضفايرك ولا يشربوا نقطة من نيلك خليهم يحلموا هانحرم عليهم الأحلام واوريهم بدر واكتوبر فى اليقظة وفى المنام ويصحوا يلاقوا ميت مليون صلاح الدين والشجر والحجر ينادوا حى على القتال حى على صالح الأعمال وترجع تانى بهية تحصد المحصول وتجوز بنات العيلة وتدور التروس وتغنى مليون موال وتعود الهيبة لكل الرجال وتبقى العيشة رغيدة وتتعدل الأحوال وتتعدل الأحوال
