شط إسكندرية شعر بقلم الكاتبه والأديبة حسنه محمد

شط اسكندريه

“””””””””””””””””””’

بقلم وأداء

حسنه محمد 

يابنت الأيه ياماريا….. 

جننتيني بهواكي….. 

عشقاكي ياصبيه…… 

وبتمني رضاكي……. 

ياام العود السرح…… 

والرمش ع الخد سارح…… 

فيكي جمال رباني…… 

ياأم التراب زعفرني…… 

يالؤلؤه مكنونه……. 

من بحري للمعمورة….. 

ياصبيه ياصغيرة…… 

مهما السنين بتعدي…… 

هتفضلي منورة…… 

ياأم الخدود وردي….. 

علي شطك نمت وحلمت

بفارس أحلامي…… 

ورميت في بحرك…….. 

كل همومي وآلامي……. 

وعوضتيني حرماني…… 

ياموجة حب سحباني…… 

بتغمرني وتملاني……. 

غرقت ودوبت فيكي…… 

وسهرت أيامك ولياليكي….. 

علي صوت موجك….. 

عشت وأتربيت….. 

ومهما كبرت بحبك موت….. 

بحبك غنوة من سيد درويش….. 

بسمعها وارددها ومعاها بعيش…… 

بحبك بصوت النديم وكلمه طالعه 

من بيرم….. 

وغنوة بصوت فيروز…… 

شط اسكندريه ياشط الهوا…. 

روحنا أسكندريه رمانا الهوا…… 

بحبك في عيون الصيادين…… 

بيرموا الشبك…… 

وعلي ربهم متوكلين….. 

حبي ليكي مايتقدر……. 

يالي بناكي أسكندر……

مهما كتبت فيكي……. 

مش هقدر اوفيكي…… 

ياعزوتي وناسي……. 

مكانك تاج على راسي…… 

هفضل أغنيلك…… 

وأردد مواويلك….. 

شط اسكندريه……. 

ياشط الهوا…… 

حسنه محمد