سجال ..معوض حلمي / علا فياله الحالة يجوز إنك موجوع أو جوع للصـحبة وللَّــمَّة أو إنك لما تلاقي دمــوع بتوه معانيها ف مية كلمة معوض حلمي الفلاح الفصيح الحـاله بتعصـف زي الريـح تباريح بتمـيل في مــيزانه مايحسـش أبدا بالمجـاريح غـير اللي مصـاحب أحزانه علا فياله الفـرح سـاعات بيعيش جـواك و يدندن قلبــــــــك ألحـــــانه وتحس حاجات وحاجات سنداك و اوقـات بتصــــدك أشــجانه معوض حلمي الفلاح الفصيح ألحان الفـرح على الأوتار بتهز القلـب يادوب هــزه لكن جـواه الخـوف أنهار بيـبدل ف شعـــور اللــذه علا فياله بتكون أحيانا مش حاضر وتعافــر تهرب م المكتوب مغـلوب أحيـانا والمقـلوب بيصـــدك كـل ما بتــقـرب معوض حلمي الفلاح الفصيح مكتوب على روحك بتعافر يابو قلب رهيف زي الطـير مكتـوبك ف البـعد الكـافر بيشيلك يرميك في البير علا فياله و بتهرب من أحباب شاريين وبتزرع ورد لنـاس بايعين والعقل بيجـلد بال محـتار ليه كانت امتي ازاي من فين كلها حسابات ونصيب أقدار معوض حلمي الفلاح الفصيح أحـبابك بكـــره بيتخـــلوا ويبيعوا عهودك والاحـلام وهاينتفوا ريشك مايخلوا وهاتقـعد تايه ف الأوهـام وتعاتب قلبك لو عــــدوا على روحك لايرموا سـلام علا فياله فالحل جـدار شــــائك جـدا بين الممنوع. .وما بين ممـكن أو واجه نفسك أنا ليه موجوع وأنا أصـلا مش مالك نفسي فأنا ليـه ســـــــايب يأســـي يتحـــــــــكم فــــيا وبزيـاده أنا ليه فنـجاني يكون ساده والعادي أعيش مخلوق مخنوق معوض حلمي الفلاح الفصيح لو تصدق وتوفي وعـودك هايفك شـعورك م الخـنقه وتلاقي الممنوع بقى ممكن والولف يآمــن بوجـــودك ترويه من عطـفك وحنانك يطرح ويزهزه على عـودك واليـأس يغــادر أحـــزانك علا فياله مكـتوبك ناس بتصـون ودك و تودك مهـــما تكــون ناسي وفي ناس مكتوبة تكون ضدك و بتفـــرح إنك في مآســــي معوض حلمي الفلاح الفصيح الدنيا بتكشف في المخاليـق لو لابس ألف قـناع خـداع وانا قبل السكه بانقي صديق وأخدت الحكمه لقلبي شراع علا فياله عادي راح أضحك وهاكمل هاتألم يمكـن شيء جايز هانساهم وأكـيد هاتحـمل وقصادهم حاجز ورا حاجز معوض حلمي الفلاح الفصيح الضحك المغصوب مسطول وبيكـتم ف الآهه عــــــويلها والذكرى إن رجعت زي الغول بتعـيد الصــوره وتفاصيـلها ولا حـاجز ولا سـد يحـــول ولايقدر من روحـنا يشيلها علا فياله الضحك المفـروض مرفوض وأهــــاته جــزيرة أوجــــاع لو قلبـك م النــاس مرصود راح يقــتل حبك لو جــاع معوض حلمي الفلاح الفصيح أنا حـبي المبـدور في النور محتاج لخيـوط الفجر تملي علشان يطرح افراح وسرور واترجى يمد دفاه يوصل لي علا فياله الدنيا سـاعات وسـاعات بتميل وساعات بتشيل ف ذنوب ملايين أوقات بتكون ف العتـمه دلـيل واوقـات جـــــلاد للبني آدمـــين معوض حلمي الفلاح الفصيح الدنيا ساعات بتراضي الروح والحزن ببشق القلب شقوق الفـرح بيلحـم فيـنا جروح ويصحي بحب ضمير الشوق علا فياله وضمير الناس هزاز مراجيح على أد الجيب بيكون شغال الدنيا ملانه وشوش مجاريح ووشوش بتعافر تمشي شمال معوض حلمي الفلاح الفصيح ووشوش بتعافر ف المشاوير وخطاوي الحلم بتبقى قزاز وانا قلبي بيرفرف زي الطـير باترجى الصعب ويبقى مجاز علا فياله بترجى الصعب ف قلبي عشان راج أرسم بكـرة جناين غير مش سهل أكون بضمير إنسان لكـني هاكـون بجـناح للخـير معوض حلمي الفلاح الفصيح دا جناح الخير محتاج بستان مليان ألوان وخضــار وورود يفرش ع الخلق أمان وحـنان ويكون عـنوان للنـور ويجـود علا فياله دا جناح محتاج لعيون صاحيين و إيدين بتــعافر توصِـــل نور و النور محتاج لقلوب فاهمين إن الشـــــــر جــــــناين بــــور معوض حلمي الفلاح الفصيح وعيون صاحيين على إيه بصين دايرين ف الفضا بيصحوا نجوم والقـــــمر التايه وحـده حزين الضحكه ف وشه وراها هموم علافياله القمر إن كان مهموم وحزين فلإن الشمس نهارها طويل بتعافر تحـيي البني آدمين قبل ما تحضـن عتـمة ليل معوض حلمي الفلاح الفصيح الشمس ف صحن السما دواره بتـمد خـيوطها وتغـزل توب واللـيل بيونس ناس الحـاره والضـي أمــاره يدفي قلـوب علا فياله الضلمه حيطان بتداري عيوب والضــي بيكشـف أي عليــل وعشان ما الليل بيخبي ذنوب راح تلقى كتير بيحبوا الليل معوض حلمي الفلاح الفصيح مخلوق الفطره دا شيئ نادر مابعيسش أبدا ع المخاليق مابيحبش أي ضلام غـــادر وبيخلي الليل لصلاته رفيق علا فياله مخلوق الفطرة بدون براويز كتالوجه سلام وقدومه حياه وف قلبه بساطه بدون دهاليز و مســــلم أمــــره كمـان لله معوض حلمي الفلاح الفصيح إنسان الفطره معاك حاضر ويسامـح كل البني أدمـين وف قلبه براح مؤمــن قادر لو حبك هايشيلك ف العين علا فياله احساس الخير جواه خلاه بيشوف الكون بعيونه ملاك وف قلبه تلاقي عمار وحياه تكفيك العمر تكون سنداك معوض حلمي الفلاح الفصيح وعيونه ملاك علشان طاير في فضاء الله زي العصافير بيرش نداه ع النـاس داير إحساسه بيرفرف زي الطير علا فياله والطير إن شاف طيفه معدي بيدندن عاشــــق أوصـــافه ويقول دا مـلاك لكن أرضي وأهـي بركـة ربك مجـدافه معوض حلمي الفلاح الفصيح بيدندن عاشـق يرمـي دفاه ويجمـع للولفــين ويصـــب والنيه سايـبها ف علــم الله والخطوه ماشيها بتطرح حب علا فياله مفطور ع الحـب قريب لله شاري الخير ولا عمره يبيع محبوب م الناس والكل معاه وكـإنه سحــابة نور وربيـع معوض حلمي الفلاح الفصيح وكأنه سحابه بتشتي حياه وبرغم دموعه الشاقه الروح وبرغم جروحه يداري آساه ويبدل صوت الأأأأه أفراح
