..... وبنهوى سككها ..... شعر بقلم الشاعر والأديب معوض حلمي ولأن الدنيا بتغلي ودايكه وبنهوى سككها الشــايكه ومعادش بيناتنا ملايكه وجروحنا النايحه دواها ماهوش معروف ماتيجي ياعم انا وانت نخلع يالا قناع التـقوى علشان الوش يبان على أصله وتبان النيه جليه ونتعامل ع المكشوف طول ماحنا بنخبي وشوشنا الحقيقيه هانعتم ع الشوف وهانكدب وهانفجر وهانقتل أحلام وأمـاني بتسرح مليانه كسوف محتاجه الضي يطرد ف شيطان الغي ويعبي القلب الحي علشان النبـض يعـدي حـدود الخوف ونشوف النور والدفا مبدور وصبايا الحور بتغني غناها وتفرح على لحن دفوف ونصد البرد الغادر والريح الشرد الهادر ونبان حلوين ف الكادر والحب هايبقى الكعبه ، ودواه موصوف ونقول للنيه المؤذيه هانعيش ولفين ف البنيه وجروحنا تطيب بالملاغيه ونلاقي ياعـم الحنيه والدوا موصوف ................................................... بقلمي .. معـوض حلمي الفلاح الفصيح منشأة بطاش .. تمي الأمديد .. دقهلية
