لكل أسم حكاية بقلم : د. عاطف عبد الجليل
هو ليه بنقول لمصطفي يا درش او نقول لحسن يا ابو علي.. ولمحمود يا ابو حنفي.. ولاسماعيل يا ابو السباع.. خليني اقولك الاسماء دي جات منين:
– ابو السباع: أي حد اسمه اسماعيل بيتقاله يا ابو السباع.. لان المصريين عرفوا ان الخديوي اسماعيل بعت يعمل 4 سباع برا بفلوس كتير جدا ( 198 ألف فرنك) فبقوا يقولوا ع اسماعيل (ابو السباع) .. ومن ساعتها بيقولوا ع اي حد اسمه إسماعيل ابو السباع.. اللي هي تماثيل الاسود بتاعت كوبري قصر النيل.
– درش: أبو أبو درش في واحد اسمه السلطان مصطفى العثماني.. ودا يا سيدي ليه قصة شيقة ومثيرة .. المهم الراجل دا تنازل عن الحكم، وانضم إلى طائفة الصوفية اللي بيطلق عليهم بالتركية.. لقب درويش .. وكلمة درويش معناها أي (على باب الله).. ومن كلمة درويش جات كلمة درش.
– من اسمه يوسف.. يقال له ياابو حجاج.. تقال نسبة للحجاج بن يوسف الثقفي.
– من اسمه حسن يقال له ياأبو على .. نسبة سيدنا علي بن ابي طالب وابنيه الحسن والحسين.
– من اسمه محمود يقال له يا ابو حنفي.. قيل لان أشهر تلاميذ الإمام أبو حنيفة ( أبو المؤيد محمود الخوارزمي) والذي جمع الأحاديث التي أخرجها أبو حنيفة.
– من اسمه ابراهيم يقال له يا ابو خليل.. نسبة الي سيدنا ابراهيم كان معروف باسم “ابراهيم الخليل”.. وايضا موجود المسجد الإبراهيمي في مدينة الخليل في مغارة المكفيلة ويُعتقد أن إبراهيم دفن فيها.
– من اسمه عبد الرحمن يقال له يا ابو عوف.. نسبة الي الصحابي عبدالرحمن بن عوف.
