دا سؤال كتير من الأشخاص سألوا نفسهم ليه بنتعامل بنية صافية ، وبنشوف غير كدة ؟ السؤال لو اخدت بالكم ، فيه نفس الإجابة اللي حضراتكم محتاجينها ، وهي .. النية
لو قولنا أن النية هي أساس التعامل بين الناس ، سواء كانت خير ، ام شر ، حب أو كره ، حتقولوا ازاي ؟
انت مثلا جواك خير لكل الناس وجودك جميل زي قلبك ، لما بتتعامل مع الناس بالفطرة الجميلة اللي بيحبك أو اللي يشبهك في جمال نيتك، يتعامل معاك بكل حب، وكمان يتمنالك الخير والسعادة، وغير كدة يفهمك دايما عشان عارف نيتك اد ايه حلوة وصافية .
اما النية الوحشة ، ودى ربنا يبعدنا عنها وعن ناسها ، دول مهما حاولت معاهم استحالة يفهموا اللي جواك لأن نيتهم السيئة مش صافية لحد ، غير إن قلبهم مليه الشر مش عايزين خير لأي انسان
دول أصحاب النوايا السيئة، عشان كدة متشتكيش وتقول ليه الناس كدا ، لا .. غير انت من طريقتك في التعامل، تجنب كل شخص ممكن يقتل جواك حاجة حلوة
تجنب كل شخص يخليك تسأل روحك في إيه، تجنب ذو النوايا السيئة، دور بس على ناس تشبه ملامح قلبك، تشبه حاجة حلوة جواك ، عشان تكون في أمان ، خليك إنسان إيجابي .
