زجلية وليدة اللحظة ... شعر /أسماء حميد عمور كيف الليالي بنورها كانت ضوي الدروب كيف الشمعة بنورها كانت تسقي القلوب الزمان تبدل وتغير علاش النفوس طغات من مكركم ، من حقدكم من غلكم ، الشتا ما صبات سولوا العالم علاش طفا سولوا ذاك المخار قليل العفة سولوا الدنيا الفانية ، سولوا الفقير مول القفة قلوبكم من الحسد وكثرة الضيق ، بان العيب الغلا تزاد ، جهل العباد ، نار اللهيب فينك يا شمسي كنتي تحرقي راه نورك مشا كاين لي يشوف ، كاين لي على عينيه غشا توحشت ليام كيف كانت غادية مسلكة دوز الخوف من صحاب الفلوس الوقت مشبكة الشدة والعوز نوصيك وصية يا وليدي ما تسكتش على حقك راك بنادم وفاهم متكونش غشيم ، طلب ربي ينصرك الحياة ضاعت بين الطاغي والساقي والليالي بين الرقاص وذاك المجدوب البوهالي لا تعيبوش الراوي والزجال راه فالخيال ينسج كلامو راه شلا ما يتقال ، عليك يا القرية نغني فعز مقامو
