سنه بتعدي وراها سنه…. كلمات / حسنة محمد

سنه بتعدي وراها سنه…. كلمات / حسنة محمد 

وفي نفس المعاد من كل سنة…. 

بندعي ونتمني ونقول ياتري…. 

مين معانا ومين ضدنا….. 

مين حبنا ومقدرش علي بعدنا….. 

مين كرهنا وبينهش ف سيرتنا 

وكاره ودنا….. 

مين ماسك في ايدينا وشارينا…. 

ومين باعنا ونسينا…… 

ومين باقي علي الود والعشرة….. 

وبيحاول يتقرب لينا….. 

سنة عدت من عمرنا….. 

 بأخطائنا فيها وحلونا…. 

عشنا فيها تفاصيل وحكايات…. 

مع اللي عايش واللي مات….. 

اللي حافظ علينا….. 

 هنشيله جوة عنينا….. 

واللي فرط فينا….. 

 هنمحيه من الذكريات….. 

أستنى ياعمرنا ماتجريش…. 

احنا يادوب بنبتدى نعيش….. 

متستعجلش وتجري بسرعة

ريح مبتهديش….. 

خلينا نفرح وانسينا وياريت 

متجرحيش….. 

يارب سنه سعيدة علينا وعليكم 

ومن حلاوتها متجريش..