اه منك يا زمن ..كلمات / الشاعرة جيهان موسى الصياد اه منك يا زمن واه من الأيام انا اللى قلبى اتظلم من غدرك يا زمان وشربت كاس المر كتير يا ناس ألوان وسقيتهم يا ناس الشهد سقونى المر والأحزان وانا اللي طول عمري طيب مع الغريب قبل القريب وكنت شايل هم غيرى من اللي يا ما شافوا خيري وخدت ايه من جدعنتى كله بيفكر فى نفسه كله باعنى كله خانى كله بقى همه الجنيه واللى كان عامل حاببني وزعلان عليا ومش سايبنى طلع يا ناس بتاع مصالح ووقت شدة راح وباعنى لما لقانى بقيت لوحدى وكله جرحنى وظلمنى وقالى يا صاحبى يلا سلام مبقاش فيه بينا كلام اه يا زمان كله باع كله خان وهو ده غدر الايام واه اه منك يا زمان
