أنا نفسى ... كلمات / محمد على عاشور و انا نفسى و كلى جنون اقول احلى صباح الخير على عيونك و كحلتها و لون عينك مجننى و دوبنى و صحانى فى عز الليل عشان انتى مشغلانى و شغلانى و طيفك جاى يعاكسنى و أتذكر ورود الخد و نومها جنب غمازه بتتخفى على خدودك و حسنه جنبها الشفة بتتعايق و تحرسها من الحساد و لون شعرك و تكوينك و فلك ويا ياسمينك و صوتك دا اللى بيجنن مافيش ف حلاوته صوت زيه و رسمة ايدك الحلوة و تبسيمة شفايف الورد و تعلا الضحكة و تجلجل ف قلب القلب و يفضل قلبى مستنى تطلى عليه و روحى فى الطريق سارحة و بتدور على ضلك على عيونك فى وسط الكون و حتى ملابسك السودة اللى بعشقها و روحى بتدعى و تأمن تقابل روحك الحلوة و لو صدفة و تتملى عيون القلب فى عيونك و تاخد احلى بسماية من العين اللى اسرانى بنظرتها و بتمناكى ما تغيبى عن العين اللى مشتاقة تشوفك يوم
