سجال لقصيدة " قلب تانى" للشاعرة/ د. حسنة محمد والشاعر / محمود عمار الزلباني محمود... ارجوكي جاوبيني طب ليه شغلتيني ما كنتي سبتيني في حالي وحداني حسنه.... هقولك إيه ولا إيه حرام عليك أنا اللي كان قلبي خالى شغلتني بيك وفرحت فية عزالي محمود..... القلب طار راح لك وعيوني مطرح لك والدمع صرح لك وعشان ايه تبكينى حسنه.... قلبي معاك..... وروحي سكناك.... اتمنيت أعيش وياك عذبتني في هواك راجع لي ليه تاني محمود.... القلب كان ناسي وعلى وحدته راسي والمر كان كاسي طب جاية تواسيني؟ حسنه... اسال قلبك يقدر ينساني؟؟! هيجاوب ويقول لك مفيش مكان فيه خالي شغلت قلبك وهواني ومش هيقدر ينساني محمود.... ليلك انا سهرته وقلبك باجيب سيرته والقلب داق حيرته ودموعى بتكويني حسنه... ليه علية بتتجني وانا عيشتك في الجنه كنت بتحلم وتتمني عايز ايه تاني محمود... ليه بيا تتسلي؟ وهجرك بيوصلي حاسس انا باللي ف البعد يرميني حسنه.... اصلك مش فاهمني ولا حاسس بحبي ليك فاكرني بيك بتسلى وانا روحي دايبة فيك محمود... من القلب حبيتك وضلوعي كانت بيتك وبرمشي خبيتك نزلتي دموع عيني حسنه.... افهمني اعمل معروف كلامك ضرب كفوف مقدرش اشوف دموعك قلبي عليك ملهوف محمود.... يا غاوية البعد حني ولا خايفة برده مني؟ ليه تخبي الحب عني؟ يا فرح ايامي وسنيني حسنه... ببعد غصب عني مش عايزة اتعلق بيك انت سبب همي ليه عايزني افكر فيك سيبني ف حالي الله يخليك محمود... ارجعي ما تفكريش خليني جوه القلب اعيش بلاش العناد ما تطوليش انت نور قلبي وعيني حسنه.... ارجع علي اي اساس بعد ماهجرت و قلبي انداس ومشيت ورااا كلام الناس ولعب بعقك الوسواس ياخسارة معرفتش تحبني محمود... لو كان هواكي لحد تاني خليتي قلبك ليه اناني تعالي ثانية طب عشاني تحلي ايامي وسنيني حسنه... أزاي احب تاني وحبك في قلبي خدني ووداني في بحر عنيك رماني وزماني سبني ونساني محمود... انا قلبي تاني مش هذله هابعده عن مين يضله لازم يعرف مين فاضله ويبقى هو نن عيني حسنه.... مهما بعدت مش هتنساني اصل حبي في قلبك شكل تاني كل ماتبعد هتقرب من جديد وهترجع تترجاني اني اسامحك.. هقولك ابعد وانسي عنوانى كلمات الشاعره والكاتبه د. حسنة محمد والشاعر محمود عمار الزلبانى
