نظرة عين شعر/سكينة الصولي بأحكى وبأتحاكى معاه وبدوب من سحر هواه وكأنى لمست الشمس فى كلامه شدو وهمس داحبيبي اليوم والأمس ربي فى طريقى مشاه أحكى وأتحاكى معاه ٠٠٠٠٠٠٠٠٠٠٠٠٠٠٠٠٠٠٠٠٠٠٠ مش قادرة أوصف وأصور٠٠ داحبيبي شهد مكرر٠٠ صاحب الطلة البهية وجماله مية لمية٠٠ لو طلب أدى له عنيا علشان ربي سواه ٠٠ أحكى وأتحاكى معاه ٠٠٠٠٠٠٠٠٠٠٠٠٠٠٠٠٠٠٠٠٠٠٠ الدنيا معاه حاجة تانية٠ عن عيني مايغيب ولا ثانية ٠٠ دايما"شايفاه قدامى رافع شائنى وأعلامى يحلى له كل كلامى والروح تفرح بلقاه أحكى وأتحاكى معاه ٠٠٠٠٠٠٠٠٠٠٠٠٠٠٠٠٠٠٠٠٠ من نظرة عين بأرتاح له وشعورى بالشوق تسمح له ٠ وجليبى كمان يفتح له يدخل (يجعد )جواه ٠ أحكى وأتحاكى معاه
