غربة الأيام شعر/ سكينة الصولى ياغربة الأيام ٠٠٠ خفي عليا شوية.... قلبي مجروح بيحاحى وتبكى أهاتى وجراحى ولا حد دارى بيا.... ياغربة الأيام٠٠٠ كفاية عذاب وآلام ٠٠ نفسى أمشى ل.قدام ولا عمرى ابقى ضحية ٠ أشكي ياغربة لمين٠٠ قلبى ٠٠جواكى حزين.. ومين٠٠ يداوى٠٠و مين ياغربة٠٠ ليه الأسية ظلماني يا غربة دايما والقسوة فيكى ساكنة قلبي باقولك شكرا" على كل عمايلك فيا٠ مستنى هواكى يطيب وأفرح وياالحبيب نفسى تكونى الطبيب وألقى لقلبى الحنية٠ ياغربة٠٠٠ قلبى داب عايش خوف و عذاب تعالى نبقي صحاب وإنسى عنادك ياغربة وخدينى حبة ٠٠ حبة خلينى أشبع ملاغية وأفرح فى الدنيا ديه
