سجنك جنة … كلمات الشاعر/ محمد على عاشور

سجنك جنة … كلمات الشاعر/ محمد على عاشور

لما تكون مسجون جواك 

إرسم وردة و شجرة هناك 

إزرع نخلك 

عيش حواليك 

إرسم شمسك 

نور قمرك

و ازرع غابتك

 نونو جميلة 

و أطلق فيها غزال أفكارك

سيبك من غزلان الدنيا 

لأن معاها عذابك كله 

أما غزال أفكارك ملكك 

مهما هيبعد 

برده هيرجع

و ارسم بحرك

و اعمل شط لبحرك انت

إفرد رملك على شطينك.

تلقى طيور النورس جايه 

تبنى عشوشها من حواليك 

و افضل كده مسجون جواك

عللى جدار السجن بتاعك 

سجنك ملكك 

إوعى تسببه  

إوعى تفكر يوم تتحرر

خليك قيس

 و اخلق ليلى 

 و كون لها عاشق

عيش وياها حياة أبدية 

و اخمد نارك انت بايدك 

و للا اقولك 

 إكسر سجنك 

حرر روحك من سجانك

و اعمل جنة و عيش فى قصورها

تيجى حورية و تجرى عليك

تلقى الدنيا من حواليك 

كلها يابنى بتضحك ليك