اغنیة ودعیتك ما اعود لدیارکم ابحیکم ابد ما اعود نسّم هواکم علي مثل المطر والزود اشلون اجیکم بعد کل الدرب مسدود روحي بگت محزنة او لبست اهدوم السود *** حبّیتك او ما خنت ما ترحم ابحالي محتار بیك او احس یا نبع دلالي چنت اعتقد من تمر حبّك علي غالي طبعك جبرني اعتزل تنساني للتالي *** ودعتك او ما شفت طیفك یباریني نام الگلب بالهناء من گتله ناسیني حبّك طمع مو هوی بالك تحاچیني بس أنا اجر بالعمر متعذب اسنیني *** ودعیتك روح ما اریدن حنانك ودعیتك بالگلب صخرة ابمچانك ودعیتك آخر اوداع ابحیاتي ودعیتك لا تجي او تحضر مماتي ودعیتك لا یمس گلبي سنانك ودعیتك روح ما اریدن حنانك ودعیتك بالگلب صخرة ابمچانك *** ودعیتك ما شفت غیر العذاب ودعیتك و اعتقد حبّك سراب تشبش الحب بالطمع تحفر عبرتك تلبس الضحکة الحلگ تخفي ابدمعتك لا تلوم اللایمه او ناشف مچانك ودعیتك روح ما اریدن حنانك ودعیتك بالگلب صخرة ابمچانك *** ودعیتك آخر اوداع او بدایة ودعیتك و ارسم ابگلبي النهایة بوسه من خدك علي صارت غریبه او ما صبرت او یاخذ العاشگ نصیبه طوف گلبي الطاوعك واسمع باذانك ودعیتك روح ما اریدن حنانك ودعیتك بالگلب صخرة ابمچانك
