فى الأصل هو حبيبي لانه مكانش مجرد أب ،كان حبيبى اللى اتمنيته كنت بخاف منه بس مش خوف البنت لابوها لا خوف بس انه يزعل منى لو غلطت احترام من نوع خاص علشان كده كنت بخاف اغلط كان بالنسبة لى حلم بحلم بيه انى اكون حاجة يفتخر بيها كنت بتحدي طول الوقت انى انجح بتفوق بس علشان اثبت له قد ايه انى اقدر انه يفتخر بيا كان بالنسبة لى الراجل بمعنى الكلمة مافيش راجل زى رقة ملامحه ولا هشوف كان بالنسبة لى سند فعلا مكنتش بخاف من أى حد ولا من اى حاجة طول ما هو عايش كنت قوية جدا بيه كل ده راح بس قبل ما يروح اعترفت له انى بحبه حب مستحيل يتخيله اترميت فى حضنه رغم انه كان كويس ومش مريض ولا اى حاجة بس حسيت ان حبيبي هيسيبني معرفش ليه فعلا تركنا فجأة واخر عمل وأجمل حاجه ريحتنا إنه مات و هو بيصلي الفجر على سجادة الصلاة وهو ساجد لرب العالمين .
وداعاً حبيب العمر ورفيق الدرب
انا الآن وحدى فى نفق مظلم داخل سرداب العزلة بين دفتي المستحيل.
