الدولة تنتصر على السوق السودة والإقتصاد المصرى يستعيد وضعه والأسعار إلى إنخفاض
الدولة تنتصر على السوق السودة والإقتصاد المصرى يستعيد وضعه والأسعار إلى إنخفاض
بقلم /د. أماني نور
ماذا يعني تعويم الدولار بشكل كامل حر لأول مرة فى تاريخ مصر؟
تعويم الدولار بشكل كامل يعنى تخلى البنك المركزى المصرى عن ربط سعر صرف الجنية المصرى بالدولار الأمريكى بشكل مباشر تاركاً سعره يحدد من خلال العرض والطلب فى سوق العملات الأجنبية.
١- التعويم الرسمى سيتسبب فى خفض الأسعار وليس العكس لإن معظم الأسعار فى السوق متسعرة على ٦٠-٧٠ ويمنع تكرار هذا الوضع مستقبلا .
٢- قيمة رفع الدولار رسميا أيضا فى خفض الأسعار جمع أكبر قدر ممكن من الجنية من السوق عند طرح الدولار الرسمى فى السوق ما يعمل على تقليل السيولة النقدية بالجنية لتخفيض معدلات التضخم يعنى ضربة مزدوجة للأسعار .
٣- متوقع أن ينخفض الدولار رسميا بعد فترة ليست طويلة بعد إستعادة حركة تبادل الصرف داخل النظام المصرفى وعودة تحويلات المصريين للبنوك وتوقف عملية الدولرة ما يعنى توفير المزيد من الدولار داخل النظام المصرفى أما الطلب فسيقل السعر تانى بالتدريج مثلما حدث فى ٢٠١٦ ووصل السعر الرسمي ل ٢٠ ثم إنخفض ل ١٥ حتى أزمة كرونا .
٤- صفقة راس الحكمة هى التى مكنت الحكومة من هذا الإجراء الهام لإن توفر الدولار فى البنوك مع التعويم أصبح سعر البنك هو السعر الحقيقى وليس سعر إسمى نظرى وليس دليل إن الصفقة ليست مهمة ولم تمنع التعويم كما ستعمل أله شائعات الفئة الضالة اليوم .
معناه ايه قرار البنك المركزي دلوقتي ؟
معناه ان ده قرار لتحرير سعر الصرف طبقاً لآليات السوق ( العرض والطلب )
وده كان مهم جداً يحصل خصوصاً بعد العملة الصعبة اللي دخلت الفترة الأخيرة من صفقة رأس الحكمة وده اللي كان عامل حاسم ان البنك المركزي يبقى مطمئن انه ياخد القرار ده دلوقتي.
طب القرار ده هيأثر علينا ازاي ؟
مبدأياً كده خلاص مفيش سوق سودا وسعرين الجنيه، هو سعر واحد هيبقى في البنك .
ثانياً كل الاستثمارات اللي كانت متعطلة بسبب تعطل اتخاذ القرار ده هتيجي دلوقتي بشكل متدفق وده معناه مزيداً من النقد الأجنبي هيدخل البلد .
تحويلات المصريين في الخارج هترجع تدخل تاني لان زي ما قولتلك مفيش سعرين وبالتالي الكل هيحول مباشر على البنك .
قرض صندوق النقد الأجنبي خلاص هيتم وبالتالي هيدينا فرصة نتحرك بشكل أفضل خلال السنتين الجايين وهيدي ثقة في الاقتصاد المصري ككل .
طيب والأسعاااااااااار ؟
البنك المركزي زود سعر الفايدة ٦٪ عشان يلم الكاش الزيادة من السوق وبالتالي يحاصر التضخم ( ارتفاع الأسعار ) + ان البضايع اللي كانت محجوزة في الجمارك هتدخل اهي خلاص دفعة واحدة وبالتالي المعروض هيزيد بشكل كبير جداً الفترة الجاية وبالتالي الأسعار هتنخفض تدريجياً بشكل “ملحوظ” خلال الأيام الجاية على طول .
يعني القرار ده في الأساس هدفه هو السيطرة على ارتفاع الأسعار ومفيش زيادة هتحصل نتيجة القرار ده على الإطلاق .
كده نقدر نقول ان الاقتصاد المصري بدأ يتحرك في اتجاه الإنفراجة على كل المستويات والأيام الجايه هنسمع عن صفقات كبيرة واستثمارات ضخمة وبالتالي انتعاشة للاقتصاد والسوق بشكل عام .
