مخرج مسلسل المعلم يكشف تفاصيل حريق “ستوديو الأهرام”
كشف المخرج مرقس عادل مخرج مسلسل المعلم الذي يخوض بطولته النجم مصطفى شعبان عن كواليس حريق ستوديو الأهرام والذي وقع في الساعات الأولى من صباح، اليوم السبت، والذي يعد اللوكيشن الرئيسي للعمل والمعروض حاليا عبر قناة الحياة الفضائية.
ونشر مرقس عادل منشورا عبر حسابه الرسمي بموقع التواصل الاجتماعي “فيسبوك” وكتب قائلا: “شكرا لكل الناس اللي بتكلمني تطمن علينا من امبارح مش عارف أرد من كتر المكالمات والرسايل بشكركم حقيقي علي محبتكم واهتمامكم الحمدلله احنا بخير وكنا خلصنا اليوم ده تصوير في الاستديو و روحنا وبعدين حصل الحريق فموضوع انه حصل بسبب تصوير مشهد ده مش حقيقي”.
وأضاف: “دلوقتي كل المهم إن إحنا نطمن على الناس اللي حوالين الاستوديو والأرواح لأن دي أهم حاجة أنا بعد ما وصلت البيت جالي الخبر رجعت لقيت منظر مهيب جدا، وكل حاجة راحت وصدمة ومشاعر متداخلة كتير ربنا يهون على الجميع ويطمنا على كل أهالي المنطقة والحمدلله عرفت إن مفيش خساير في الأرواح”.
واختتم المنشور قائلا: “وبالنسبة المكالمات وأسئلة الأساتذة الصحفيين عن خساير المسلسل ومصيره والحاجات دي صدقوني مش ده المهم دلوقتي بالنسبالنا ولا قادرين نفكر فيه دعواتكم لينا وشكرا من قلبي لكم المكالمات والرسايل اللي بتأكد المحبة والدعم”.
