ضى عيونى شعر / سكينة الصولى أمي هدية من الرحمان تحت جناحها نعيش فى أمان حب ورحمة وهنا وحنان يحميها ربي كمان وكمان٠ بتنور حواليا الدنيا٠٠٠٠ هى الأولى كمان والتانية ربى إحفظها تعدى المية وأنا أهديها كمان ألفية أمى ياأول نور فى عنيا شق الضلمة شمال ويمين شاف العالم فيها تضحية لجل ولادها بنات وبنين بأدعى لك ربي يرعاكى ويسدد دايما" فى خطاكى وإحنا بروحنا نكون وياكى إدعوا معايا وقولوا أمين أمى ياروحى وضى العين سهرانة دايما"على أحوالنا من حبها الشوق أوحى لنا أمى يابحر حنين وحنان ٠٠ أمى يانفحة من الرحمان حبك لينا يساوى أطنان ٠٠
