آخر أخبار كوكبنا العجيب…. بقلم:د.سامى محمود دنيا
إسرائيل….
هو ليه محدش سأل نفسه سؤال مشروع جدا بعد كل اللي حصل وبيحصل….!!
السؤال هو….ليه إسرائيل عاملة زي الكلب المسعور او المدبوح و بتفرفر كدا ؟؟
وعلشان تعرف ليه إسرائيل عاملة كل ده يبقا لازم تعرف إيه اللي خسرته في الحرب دي ؟؟
سيبك بقا من الهجص والتضليل اللي داير علي الفيس وع السوشيال ميديا اللي بيقولك أصلهم عايزين يدبحوا بقرة وإقامة الهيكل والهجص ده علشان دول شوية بقر حرفيا…
اللي حصل واللي إتعمل ف ٧ اكتوبر اللي فات محصلش ف إسرائيل من ٧٣ ولا يقل أهمية عنه
ودا اللي مخلي إسرائيل عاملة زي الكلب المسعور
هتقولولي إزاي يعني …!!
هقولكم …
بعيدا عن الدمار اللي حصل ….!!
حصل ٣ حاجات دول أهم تلات حاجات إسرائيل خسرتهم في الحرب دي…
أول حاجة….هي تدمير أسطورة الوحدة 8200 وفضحها قدام العالم كله …
إيه هي الوحدة 8200 دي بقي ؟؟
الوحدة 8200 هي وحدة بتصنف إنها من أقوى وحدات الإستخبارات في العالم زيها زي وكالة الأمن القومي الأمريكي ….
مش كدا وبس….!!
دي كمان كانت في الإستخبارات والتجسس بتنافس قدرات مقر الإتصالات الإستخباراتي البريطاني GCHQ
مش كدا وبس….!!!
دا رئيس الوحدة دي اللي هو يوسي ساريئيل مكنش حد عارفه ولا حتى عارف إسمه لمدة عشرين سنة…؟
إنت متخيل مدى قوة وسرية الوحدة دي لدرجة إن على مدار عشرين سنة مكنش حد في العالم عارف إسم قائد الوحدة دي ؟؟
وإذ فجأة ….
يوم ٧ أكتوبر حصل الهجوم…
مش كدا وبس….!!
دا كمان كان في فرقة من المظلات يوم ٧ اكتوبر هاجمت إحدى مقرات الوحدة 8200 اللي هي المفروض انها سرية جدا ومحدش في العالم عارف مكانها ودخلت أخدت كل الهاردات والكومييوتر اللي عليه كل المعلومات الإستخباراتية ودمرت الوحدة بالكامل …؟؟
رغم….. إن إسرائيل طلعت و نفت كل الكلام ده
الوحدة دي بقا كلها برئيسها بظباطها دلوقتي بيتحاكموا محاكمة عسكرية وإتفضحوا في العالم كله…
يا ترى مين اللي عمل فيهم كدا..شوف إنت بقا !!
فاكرين لما هو قال….
اللي عملها مرة…. يقدر يعملها تاني وتالت ورابع
تاني أعظم خسارة لإسرائيل ف الحرب دي….
هو تدمير اللواء جفعاتي أو غفاعاتي بالعبري
مين هو اللواء جفعاتي دااا..؟؟
اللواء جفعاتي هو نخبة النخبة في جيش العدو حاجة كدا زي ال تلات ٩ عندنا في الجيش المصري وكان تمركزة حوالين غز🕊️ة
ودا كان أهم هدف يجب تدميره في الحرب دي… !؟؟
دا مش كدا وبس….!!
ياخي سبحان الله ربنا كريم….
الملايكة وهما بيدمروا لواء جفعاتي وخلاص كانوا بيخلصوا عليه…. قيادة الجيش الإسرائيلي راحوا باعتين لواء جولاني علشان يلحقه
قامت الملايكة مدمراه هو كمان وإنسحب فورا من المعركة وبالمناسبة تم الإعلان رسميا من إسرائيل عن إنسحابه وتدمير ٧٠٪ منه…
هييجي واحد يسألني ويقولي يا ترى مين بقا اللي دمر اللواء جفعاتي ولواء جولاني….؟؟
هقولك طبعا الملايكة…..
هما أصلا مكنوش عارفين مين اللي نازل فيهم طحن …
تالت أعظم خسارة لإسرائيل في الحرب دي…!!
هو فضحها قدام العالم كله والمجتمع الدولي ووقف تعامل الدول معاها
ودي كانت معركة ديبلوماسية أشرس من المعركة الحربية ودي اللي قادتها مصر …؟
وعلشان هذا وذاك وكل هذا وأكثر من ذلك من المرمطة اللي بتحصل في جيش إسرائيل….
العرجاني هو اول إسم محطوط على قوائم الإغتيالات الإسرائيلية بس مش عارفين يطولوه فيعملوا إيه…؟؟
يسلطوا عليه كل كلابهم في كل حته علشان يشوهوا صورته قدام شعوب الوطن العربي والعالم كله
كل اللي فات ده رأي شخصي ….
إيران…
إيران النهاردة الصبح حركت قطعتين حربيتين محمتلين بالصواريخ للبحر الأحمر
وأمريكا النهاردة الصبح طلبت من قطر والسعودية والإمارات والكويت والبحرين ومصر التوسط عند إيران لضبط النفس
و روسيا النهاردة طلعت بيان وطلبت من إيران ضبط النفس
مش كدا وبس….!!
دا العم كيم بتاع كوريا الشمالية طلع إمبارح وقال….
نجهز نفسنا بقا للحرب وحان الوقت للإستعداد للحرب….
أومال كنت بتعمل إيه يا عم الحج في السنين اللي فاتت
قالك إحنا كنا بنسخن بس
مش كدا وبس….!!
وطلع نتنياهو النهاردة وقال….
نمر بأوقات صعبة
أوقات صعبة مين ياعم نتنياهو دا إنت هيتعمل من جسمك بطاطس محمرة …
لو عايزين رأيي الشخصي….!!
يارب إيران متنجرش للحرب دي علشان هو ده اللي عايزاه إسرائيل علشان تنقذ نفسها… ؟؟
هتقولولي إزاي داا… هقولكم بس دي محتاجة شرح طويل وانا النهاردة مشغول جدا …
مش كدا وبس….!!
دي الخطوط الجوية الألمانية علقت رحلاتها الجوية فوق طهران
وطهران نفسها وقفت كل خطوط طيرانها المدني
وليلة كبيرة سعادتك
لبنان…
الدنيا مقلوبة ف لبنان….!!!
علشان حزب الله اللي أخد وضع الحرب والهجوم على إسرائيل حضرتك
مش كدا وبس….!!
دا كمان اللاجئين السوريين هناك عاملين قلق وسرق ونهب وحرق وتعدي على اللبنانيين نفسهم لدرجة ان حزب القوات اللبناني طلع وطالب بعودة كل اللاجئين لبلادهم وديارهم ؟؟
روسيا….
طلع قائد الجيش الامريكي ف أوروبا….
أيواا حضرتك زي ما قريت كدا بالظبط قائد الجيش الامريكي ف اوروبا مهو في ف اوروبا جيش أمريكي
الراجل طلع وقال….
إن الذخائر الروسية تفوق الذخائر الاوكرانية بمئات المرات من حيث القوة والعدد والدقة
وان روسيا بتطلق يوميا قذائف مدفعية ضعف اللي بتطلقها اوكرانيا يوميا خمس مرات
ولو الكونجرس الامريكي موافقش على المساعدات لأوكرانيا ف بالكتير شهر وهتسقط كل أوكرانيا ف إيد روسيا …
الإكوادور…
الإكوادور دي دولة فستوكه كدا على المحيط الهادى في قارة أمريكا الجنوبيه …
حصل فيها خناقة بين الرئيس و نائبه خورخى جلاس …
أوووم الجدع خورخى علشان عارف نوايا الرئيس جرى على أقرب سفاره تقابله يحتمى بيها و تطلع سفارة مين…!!
سفارة المكسيك الناس إستقبلوه .. .
وجت الشرطه الإكوادورية إنزل يا بابا متفرجش الناس علينا ….
خورخى دماغه و الف صرمه قديمه وحيات أمى منا نازل و هوديكوا فى ستين داهيه .. …
هوب 10 دقايق والموضوع إتطور و كانت الشرطه جوه السفاره بتقبض عالجدع خورخى ….
طبعا دا إعتداء ع السفارة والسفارة في القانون الدولي دي أرض دولية …
والسفير المكسيكى إستغاث ببلده …
حصل إنفيجن يا جدعان و ده يعتبر إعتداء من دولة على أراضى دولة أخرى ….
و علشان ميحصلش حرب بين الدولتين تدخلت الدول الصديقه و لموا الدور يا مكسيكان …
و هنا حصل سحب السفير المكسيكى و إمهال الجالية الإكوادوريين اللي في المكسيك 72 ساعه لمغادره مكسيكو سيتى …. و كدة يعنى…
الدنمارك….
يوم الخميس اللي فات لولا ستر ربنا كانت حصلت اكبر كارثة ف اوروبا وبسببها تم غلق أكبر مواني في أوروبا واكثر إزدحاما على بحر البلطيق …
علشان حصل خلل في منظومة الصواريخ في الدنمارك وتم تنشيط منظومة صواريخ هاربون على سفينة من سفن البحرية الدنماركية
وكل السفن في الممر الملاحي ده وقفت وإتثبتت مكانها لمدة ٣ ايام علشان لو فيهم واحدة كانت إتحركت من مكانها كانت هتنضرب فورا
لحد ما الجيش الدنماركي قدر يسيطر ويوقف المنظومة كلها
إنجلترا….
وف إنجلترا بلاد الأساطيل والأساطير…
وفي مطار هيثرو…. اللي المفروض يعني من اجمد المطارات في العالم طيارتين دخلوا في بعض
تحس ان الطيارتين بياخدوا بعض بالحضن….
حضن مطارات يعني
السعودية….
السعودية بقا فجأت العالم كله بإلغاء مشروع نيوم اللي كانوا مصدعينا بيه من ٢٠١٦
مشروع نيوم ده كان هيتكلف واحد ونص تريليون دولار ودا كان اضخم مشروع في الكوكب
بس السعودية قالت لا احنا هنعمل مشروع تاني كدا محندق ب ٥٠٠ مليار بس
شوف انت بقا كمصري السيسي من ٢٠١٦ لحد النهاردة عمل كام مشروع وخلصه
يابني داالسيسي بنى مصر تانية جديدة
والسعودية اللي بتجري من تحتها انهار البترول بتقولك لاء مش هنقدر نبني نيوم دي والموضوع طلع اكبر مننا وتم تسريح كل الشركات بالعمال اللي فيها
طب نبعتلكم الهيئة الهندسية ف الجيش المصري تخلصهالكم ف ٣ سنين بس
كوكب تحيا مصر
وفي كوكب تحيا مصر….
وقبل العيد والشعب كله مشغول ف زحمة الكحك والبسكويت الجيش المصري عمل عظمة العظمة….
أول حاجة الجيش المصري بدأ ف إنتاج المدرعة باتريوت ٢ بالتعاون مع التشيك
خد بالك هو مش لسه هيبدأ…!!
لا حضرتك هو بدأ خلاص ف إنتاجها…
مش كدا وبس…!!
لا حضرتك هو نقل تكنولوجيا تصنيع المدرعة من مصنع تترا التشيكية لمصانع الإنتاج الحربي وبدأ إنتاجها محليا في مصر
مش كدا وبس…!!
دي مصر كمان هتدخل عليها بعض التعديلات والتطوير والتكنولوجيا والإتصال العسكري لدرجة أبهرت التشيكيين نفسهم
المدرعة دي بقا لا بيهمها ألغام ولا قنابل ولا صواريخ ولا حرب كيماوية
تحس إنها ملكة في نفسها كدا ع الارض
طب الجيش المصري سكت على كدا وقالك نعيد بقا….أبدا !!
راح يوم السبت اللي فات وفي العاصمة الادارية وقع إتفاقية مع شركة تاليس الفرنسية على …… على إيه بقا
على نقل تكنولوجيا وتصنيع منظومة الدفاع الجوي الفرنسية تاليس
اللي هي اقوى منظومة دفاع جوي في الإتحاد الأوروبي
اللي أوكرانيا هتموت عليها …
كمان في كوكب تحيا مصر….
ال CNN عاملة تقرير بتلطم وتولول فيه وبتقول إن الحكومة المصرية هتطلق مشروع لجعل القاهرة أكثر مدينة جاذبة للسياحة في العالم….
وبتقول في التقرير ده….
إن القاهرة مكفهاش ان عدد السياح وصل السنادي ل ١٤ونص مليون سايح ودا اكبر عدد سياح حصل في تاريخ مصر رغم الحرب اللي دايرة في الشرق الاوسط….. خمسة في عنيكم ياولاد التيت
وبتقول إن الحكومة بتستهدف من المشروع ده ان عدد السياح يوصل ل ٣٠ مليون سايح …
عرفتوا بقا ان السيسي كان عنده حق لما قال أنا إستلمتها خرابة ونضفتها وبنيتها من اول وجديد ودلوقتي بقت دولة
كمان في كوكب تحيا مصر…
المعلم بوتين الإسبوع ده طلع ع المسرح وقالك و السلام على طول السلام ….والسلام دا طاير حاير لحبيبتي مصر ام الدنيا
وراح ممسي علينا بمليار دولار….!!
طب إيه هي حكاية المليار دولار ده…. الحكاية بدأت مع شركة إنفينتي الروسية ودي شركة عالمية في مجال التنقيب عن الدهب والمعادن وشغالة في قطاع التعدين..
المهم الشركة الروسية الشهيرة دي قررت تضخ استثمارات في مصر في قطاع التعدين بحوالي مليار دولار….
وده بعد الإعلان عن مزايدة عالمية للدهب في مصر طرحتها شركة شلاتين للثروة المعدنية….
مستهدفة مناطق غنية بالدهب في مصر زي البرامية وحماطة….
واللي تم التأكيد على إمكاناتها الواعدة في مجال الدهب.
وشركة انفينتي الروسية فسرت سبب استثماراتها الجديدة في مصر وقالت ….
إن المزايدة للتنقيب عن الدهب في مصر متميزة ومحورية ومميزة في سلسلة المزايدات العالمية للتنقيب عن المعدن الاصفر…
خصوصاً في منطقة الصحراء الشرقية المصرية الواعدة…
واللي بتعتبر من أهم وأغنى مناطق الدهب في مصر والأعلى في نسب الأستخلاص…
فاكرين لما السيسي قال ف ٢٠١٦ جملة ومحدش أخد باله منها….
لازم نتحرك بسرعة علشان معندناش رفاهية الوقت..أهو كل اللي بيحصل في الكوكب وبيحصل في المنطقة دلوقتي كان مترتب ليه والسيسي كان عارف كل المخططات
لازم تبقا عارف وواثق جدا إن الجيش المصري جيش عظيم ومحضر نفسه لكل السيناريوهات
بيعيرونا بفقرنا …… بس أنا مش هسكت
عبدالفتاح السيسي
