رئيس مجلس إدارة مجمع عمال مصر وسواعد الخليج: الشباب هم أساس بناء المجتمع بحضاراته وإنجازته ،وتقدمه وتطوره .

حوار صحفي
مع المهندس/ هيثم حسين رئيس مجلس إدارة مجمع عمال مصر وسواعد الخليج
أجرته : الاعلامية / د هاله فؤاد

الواقع تقدر تغيره بنفسك
فارس من فرسان التنمية
العلم أساس التنمية

إن الشباب هم أمل المجتمع وعماد الوطن والأمة ، وهم عماد الحياة بطاقاتهم الجسدية والعضلية وبأفكارهم الخلاقة والابداعية .
الشباب هم المستقبل ، فمستقبل أي أمة بدونهم يعتبر منعدما .
هم أساس بناء المجتمع بحضاراته وإنجازته ،وتقدمه وتطوره .
حوار اليوم مع نموذج وقدوة للشباب إستطاع في سن صغيرة أن يصل إلى أعلى المناصب .
فهو :
رئيس مجلس إدارة مجمع عمال مصروسواعد الخليج
و عضو لجنة الصناعة
وعضوإتحاد الصناعات المصرية
& أنا ذكرت بعض المناصب لكن هناك مناصب وتكليفات أخرى ممكن تقولنا عليها ؟
# أنا أسست هذه المنظومة منذ خمسة عشر عاما ، كان أساسها الاستثمار في المورد البشري والتدريب والتأهيل لسوق العمل
بخلاف مجمع عمال مصر، فأنا رئيس مجلس أدارة شركة سواعد الخليج إحدى إستثمارات مجمع عمال مصر في المملكة العربية السعودية ، وعضو اتحاد الغرف التجارية ، وعضو لجنة الصناعة لجمعية رجال الاعمال المصريين الافارقة .
بصرف النظر عن المناصب الكتيرة ، لكن الأهم ازاي تخدم بلدك والمجتمع وتساعدالشباب على الظروف المعيشية ال عايشين فيها ،وهي تقديم فرص العمل وده المحور ال قام عليه مجمع عمال مصر ، الحمد لله تعالى ابتدينا من نموذج صغير ،دلوقت احنا ٥٠٠٠ كادر على مستوى القطاعات ، حققنا نجاح كبيرفي هذه الفترة مساهمين في الناتج المحلي فيما يخص الاداء الصناعي واصلين لعشرة مليارقيمة من الناتح المحلي في القطاع الصناعي .
فريق العمل عندنا عنده رؤية في مجال الصناعة ، أهم من ده كله هو احترامنا للعلم والتدريب والتأهيل ، لأن العلم سلاح حقيقي للمؤسسات والدول ، وكمان عندنا نقطة مهمة جدا هو ازاي نخدم المجتمع .
& ممكن تقول لنا وبخاصة الشباب كيف إستطعت الوصول لهذه المناصب في سن صغيره ، ماهي القدرات والإمكانيات التي ساعدتك للوصول لهذا نقولها للشباب عشان يستفيدوا ؟
انا من عائلة متوسطة الحال ، في سنة ٢٠٠٨ كنت في كلية الهندسة قسم مدني واخذنا خطاب التدريب ، وكتخصص مدني كنا بندور على مصانع الحديد والأسمنت ، وعلى المقاولات ، اخدنا خطاب التدريب الخاص بنا وذهبنا إلى مصنع الحديد والصلب ايستر ايجيبت وكانت الادارة شركة روسية في منطقة السادس من أكتوبر .
قدمنا لهم خطابات التدريب ، المصنع رفض فكرة التدريب تماما ، وقالوا احنا ماعندناش فكرة التدريب ، لكن إحنا محتاجين عمال للمصنع .
& إشتغلت عامل في المصنع ، صح ؟
# ايوه ، مع ان زملائي طبعا رفضوا ، وصناعة الحديد درجة حرارة الفرن بتبقى من ٢٠٠٠الى ٣٠٠٠ درجة مئوية ، الحديد أثناء عملية الدرفلة بتخرج منه أكاسيد ال بنسميها رماد ، المفروض ان عمال الخدمات مطلوب منهم يلموه ، وصحيح الواحد كان سنه صغير وده كان صعب ، بس الحمد لله ربما ربنا يحطك في موقف يطلع من خلاله نقاط القوة بتاعتك ،وربنا يكرمك بشكل كبير جدا .
أثناء فترة التدريب دي كنت عامل مجتهد ، وبحب الشغل .
الادارة الروسية كانت بتتخانق ليه خط الانتاج بيضرب كل شوية هو في مشكلة ، المصريون بيردوا عليهم أن في مشكلة في العمالة الفنية المدربة وقلة العمالة ، فأحد المديرين الروس سأل عني قالوا له ده كان جاي يدرب إشتغل عامل المهم ، قال لهم ده يدخل معمل الخرسانة لان في الأساس خطاب التدريب كان رايح على معمل الخرسانة عشان نعرف ونعمل اختبارات الحديد، هل الحديد مطابق للمواصفات ولا لأ .
الشهر ده خلاني شفت القاعدة من تحت طبقة العمل والعمال وبعدين مرحلة معمل الخرسانة ، بدأت أشوف أآليات الجودة وتفاصيلها .
هي مش موضوع خبرة في السن الصغير قد ماهو موضوع تحدي ومصنع كبير وخطوط إنتاج، وصناعة حديد.
دايما باعتز بصورة في ٢٠٠٩ أثناء وأنا باشتغل عامل ، من ٢٠٠٩ للآن بتحس إن شريط حياتك اتغير بمفاهيم ومسئولية مختلفة
وقتها تخليت ان لو في منظومة صناعية موجودة على ارض مصر

بتساعد المستثمر من اول ما يجيب المكن بتاعه وبعدين نقطة التدريب والتشغيل والتأهيل والمسئولية عن المهندسين والفنيين والعمالة تكون تختص بيها الشركة .
لما جينا بحثنا عن شركات الادارة والتشغيل في القطاع الصناعي لم تكن موجودة ، الحمد لله كنت اول واحد في وزارة التجارة و الصناعة أخذت رخصة خاصة بادارة التشغيل وخطوط الانتاج اخدت بيها ملكية فكرية ، كان الكلام ده في ٢٠١٠ ، نموذج مجمع عمال مصر بدأ بمكتب صغير كان مقسوم نصفين ، نصف باذاكر فيه ومبيت لي ، والنصف الآخر باشتغل فيه ، الشركة بدأت ب٥٠٠جنيه سلف وبعدين الحمد لله بالتعب والجهد وفريق عمل كويس جدا ، وأكيد بتوفيق ربنا في الاول وفي الآخر ، ثم أن بيبقى عندك هدف ونية واخدها إنك تساعد غيرك ، وتكون سبب في فتح باب رزق لناس تانية كتير .
&ده بقى السؤال الجاي
من منصب حضرتك هذا كيف تستطيع مساعدة الشباب ، بمعنى آخر إيه ال تقدر توفره للشباب ؟
#احنا الحمد لله زي ماقلنا احنا مسؤولين عن إدارة وتشغيل المنشآت الصناعية ، الحمد لله تكاد تضم ٣٢٠ منشأة صناعية على مختلف القطاعات .
وبعدين في نقطة قوة ان احنا لما فتحنا الشركة ، كنت حاسس أن البطالة الحقيقية بتكمن في القرى والارياف وفي الصعيد تحديدا ، لان يمكن في المدينة في فرص عمل متوفرة ، اما شبابنا الموجودين في الصعيد وفي وجه بحري ، وموجودين في القرى ، ليس أمامهم غير الهجرة غير الشرعية .
& ماهي الاستراتيحية التي ستضعها لحل هذه المشكلة ؟
# يمكن مش استرتيحية على قد ما هي آلية تنفيذ ، وهي أننا كيف نذهب للشباب لحد بيته ونوصل له فرصة العمل ، وازاي يخرج من بيته وهو عارف أنه هيتدرب وهيسكن ويأكل وهيشرب وهيتعلم ، وهياخد فلوس اثناء فترة مجهوده وتدريبه ، عشان لو عايز يبعت فلوس لأهله.
المنظومة مسؤوليتها إن العامل من ساعة مايتحرك من بيته لحد بيئة العمل وما بينهم ، لأن باقول دائما إن المسئولية لاتنتهي بمجرد الوصول لفرصة العمل ، مسئوليتك عن العمال بتبتدي من حيث ماهو استلم فرصة عمله ليه ؟
لأن العامل ده او الكادر ده محتاج حد يدربه ، محتاج حد ياخد باله من صحته ، من يوجهه ماذا يلبس ، محتاج من يعتني حتى بنظافته الشخصية ، ومعدلات إنتاجه .
هنا مجمع عمال مصرفي ٦٠ قسم مسئول من اول مايوفر فرصة العمل حتى المراحل التي ذكرناها .
أما فيما يخص فرص العمل التي نستطيع بها مساعدة الشباب دائما باكد إن القطاع الصناعي من أهم القطاعات المفروض إن الدولة كلها تتوجه له لان إقتصاد الانتاج من أهم اقتصاديات الدول .
الفجوة مابين مانوفره وما نستورده كبيرة .&
&مانستورده اكثر بكثير مماننتجه .
# بالضبط كده .
الناس كانت بتستسهل وتعمل على التكاتك ، او السفر ، لكن القطاع الصناعي قطاع دسم بفرص العمل ، احنا استطعنا بشكل أو بآخر نخلق فرص عمل ، أولا المرتبات تكون مجزية ، الحمد لله يمكن احنا من أوائل الناس ال دلوقت خريج دبلوم الصنايع بيقبض ٦٠٠٠ جنية ، ودي اول مرة تحصل ، ازاي لسه مخلص دبلوم الصنايع والشركة هنا بتوفر السكن ، التأمينات ، المواصلات وكمان الشركة تقبضني ٦٠٠٠ جنية .
كمان الحمد لله نتيجة وجود شركتنا في خارج مصر بدول مجلس التعاون الخليجي قادرين نوفر فرص عمل لشبابنا بعد التدريب والتأهيل .
مجمع عمال مصر مش بس بيوفر فرص عمل للشباب ، لأده كمان ازاي يكون عندك رجال اعمال متميزين في السوق الصناعي ، ازاي تساعد غيرك يبقى رائد أعمال في القطاع الصناعي.
كيف نساعد من يريد فتح مصنع من أول توفير دراسة الجدوى ونوفر له المكن ، ومكان المصنع ، ونشغل له المصنع ، ونساعده في عمليات التشغيل والتسويق والتصدير من خلال نموذج مجمع عمال مصر .
حضرتك من خلال الحوار قلت لنا إن تخصصك هندسة مدنية لكن انا لما دخلت المصنع لقيت يفط مكتوب عليها ملابس ماعلاقة الهندسة المدنية بالملابس ؟
# زي ماقلت لحضرتك ان مجمع عمال مصر اساسا استثمار في المورد البشري ، بعيدا عن نقطة الدراسة ، انا دائما باقول ان طلاب كلية الهندسة محظوظين ، لان دراسة الهندسة بتعلم ازاي ترتب دماغك ، انا باقول ان اهم مهنة واهم وظيفة في المجتمع ، وطبيعي ان كل واحد ينحاز لمهنته ، ، ولكن مهنة المهندس بتعلم في مراحل تعليمها ازاي تعرف المشكة وازاي تحلها ، وتتعرف على نقاط القوة ، وده يمكن ماجعل عندي قوة في ريادة الأعمال .
فعمال مصر ليست مرتبطة في استثمار يخص صناعة معينة ، فمثلا صناعة الملابس كما ذكرتي سابقا ، احنا اتفقنا ان احنا بنجيب الكادر وندربه وهو بالتالي عايز يلبس ، وعايز مفرش السرير ، كل ده احنا ال بنصنعه ، المخده احنا ال بنصنعها ، المرتبة ،العفريتة بتاعة الصانع احنا ال بنصنعها ، الخوذه كذلك ، دي فكرة تكامل كل الاحتياجات التي يحتاجها الموظف او الكادر ، حتى التدريب احنا من يدربه .
& كده تقريبا السؤال عن المميزات التي توفرها للعمال ، حضرتك جاوبت عليها من مرتبات مجزية ، لتوفير المسكن والملبس ، والمواصلات والتأمينات .
& ممكن حضرتك كلمة للعمال في عيد العمال ؟
# كل سنة وكل ال بينتج وال بيتعب وبيشتغل بخير ، في نقطة خير ونقطة أمل لأني دايما باقول من يتقن عمله ، هذا مايجعل بلدنا تتقدم ، لان اساس العمل المدرس ، الدكتور ، الفني، بالعامل، وتحديدا في عيد العمال ٢٠٢٤ بنقدم كل الشكر والتحية والتقدير للفلاحين وللعمال والناس ال بتشتغل وبتجتهد وبتتعب ، لان احنا الموروث عندنا ان كلمة العامل دي بتمثل المهنة الضعيفة ، ودي نقطة من النقاط التي يجب ان تتغير .
& العامل ، الفلاح ده هو الأساس ، هو ال بيأكلنا ، وبيلبسنا .
# عشان كده احنا بننتهز الفرصة ونعبر لهم عن شكرنا امتتنانا لهم ولجهودهم ، لأنهم ناس مهمة لنا ولحياتنا ، وهذا مايجب أن نعلمه لأولادنا وللأجيال القادمة ، أن العامل والفلاح الذي يمتلك حرفة ويعمل بكد فهو جدير بالاحترام والتقدير .
وكل سنة وكل عمالنا بخير وفريق العمل بمجمع عمال مصر ، وكل من يعمل في المنظومة الصناعية .
اما مايمكن ان يوفره مجمع عمال مصر ، توفير ٥٠٠ فرصة عمل للمؤهلات المتوسطة ،و١٠٠ فرصة للمؤهلات العليا .
& حضرتك أطلقت مبادرة هتاكل عيش من مجمع عمال مصر ممكن تعطي لنا نبذة عنها ؟
# احنا الجزء المجتمعي ده هام جدا بالنسبة لنا ،وقد قمنا سابقا بعمل مبادرة قرية بدون بطالة وكنا بنروح نوفر لهم فرص العمل ونشحذ الهمم ، وكان عندنا مبادرة أخرى خاصة بالعاملين في مج ال الصناعة إسمها ، إصنع وشغل غيرك ، وكان الهدف من هذه المبادرة تحقيق ، حل المشاكل التي تواجه الصناعة هل ناقص خامات ، ماكينات ، فلوس ، أهم شئ إنك لما هتشتغل هتوفر فرصة عمل لغيرك ، دي كانت موجهة لرجال الأعمال .
أنا بالنسبة لمبادرة هتاكل عيش من مجمع عمال مصر ، دي مبادرتنا في بداية ٢٠٢٤ م ،وهي خاصة برسالة مهمة جدا وهي ، ازاي إنك تحصل على لقمة العيش بشكل كويس جدا ، لأن أهم حاجة تؤرق الشاب وتؤرق الأسرة وتؤرق رب البيت هي فرصة العمل وتوفير لقمة العيش .
& أكيد .
# احنا محتاحين في مصر يكون عندنا المنظومة الاقتصادية التي توصل للناس وللشباب أنك هتاكل عيش .
واحنا هنا بنقول انه عندنا في مصر مجموعة اقتصادية اسمها مجمع عمال مصر قادرة على توفير فرص للعمل .
& في الستينات من القرن الماضي كان عندنا مصانع وصناعات رائدة على مستوى العالم العربي والعالم أجمع ، منطقة شبرا الخيمة الصناعية ، شركات الدلتا للصلب ، مصىنع الحديد والصلب في حلوان ، الغزل والنسيج بالمحلة الكبرى ، ومصنعا للغزل بمنطقة الغرب بمدينة الفيوم عام ١٩٦٢ م ، إشتغل فيها سبعة آلاف من العاملين أنتجوا مايقرب من ٧ أطنان من أرقى وأجود أنواع الغزل المستخدم في صناعة النسيج في مصر ، الزيوت في كفر الزيات ، السيارات ، وغيرها من الصناعات .
هل ممكن نرجع الصناعات دي تاني ، واذا كانت الاجابة أيوه ،يبقي كيف وما هي الاستراتيجية لعودة الصناعة المصرية الوطنية ؟ &
محاور الانتاج مرتبطة بثلاثة محاور رئيسية وجود مكن ،وجود خامات ،رأس المثلث بنسميه الكادر البشري ، الاستثمار في الموارد البشرية ، تدريبه وتأهيله هو أهم أستثمار في القطاع الصناعي ، تغيير العقول تجاه ان مصر لديها من الشباب ، احنا بنتكلم ان ٤٠% من السكان شباب في مرحلة العمل ولكن ينقصهم التدريب التأهيل .
الدولة بنت ٣٥٠٠٠٠ منشأة صناغية ولكن لم يعمر منها ١% .
& لسه كنت هاقول لحضرتك لما عندنا كل المصانع دي ، ليه بنستورد كل حاجة حتى الشاليمو؟
# الدولة اخدت خطوات بنت مباني ولكن لم تبني عقول
& المفروض نبني العقول الاول وبعدين نبني المباني .
# عندك حق .
& يعني نجيب مكن وماعندناش عقول تشغلها نبقى عملنا ايه ،ماعملناش حاجة .
# عشان كده انا باقول ان الاستثمار في المورد البشري والعقول هو أهم من المنشآت وأهم من المكن ، ولكن احنا دلوقت في مصر عندنا مشكلتين ، عندنا مباني ومصانع فاضية خاوية ، وعندنا كوادر قاعدين في البيوت ، ومحتاجين مكن يجي لنا من الخارج .
احنا بنوجه رسالة بضرورة اكتمال مثلث الانتاج سواء من تدريب الكادر البشري او وجود خطوط انتاج وكمان فكرة ان يكون عندنا توطين للصناعة وخطوط للانتاج ، لان انا كبلد ليست مصنعة لأي خطوط انتاج ،يعني مثلا ماكينة الخياطة دي بنجيبها منين ؟
& من الصين
# تمام من الصين مثلا ، جت الصين وقفت خطوط الانتاج بقت مشكلة .
حصل موقف في بداية فترة كورونا كان في عجز في مكن تركيز الزراير ، فممكن نكون مصنعين القميص كويس جدا لكن مافيش زراير ، مش عارفين نركب الزرار ليه ، لان الصين وقفت خط الانتاج ، لذلك تقدمنا كمجمع عمال مصر ب١٧ مذكرة للجامعات ، للعمل على تطبيق مشروعات الخريجيين بدل مانسيبها في الادراج ، واحنا مش عايزين نصنع صاروخ ولا سفينة فضاء ، احنا عايزين مكن يركب الزراير على سبيل المثال .
أخيرا ماهي النصائح والرسائل التي تود أن ترسلها للشباب ؟
# انا باقول للشباب حاول تتدرب أثناء دراستك في الكلية ، ماتستناش لما تخلص الدرلسة ، وبعدين تنزل سوق العمل ، انزل واشتغل وانت في الكلية ،حتى لاتنصدم بعد التخرج بسوق العمل .
النقطة التانية لما يجي لك فرصة عمل لاتتركها الا اذا وجدت أفضل منها ، ، أخر نقطة ودي نقطة مهمة جدا الأخلاق في العمل .
& فعلا ، في نهاية الحوار لايسعنا الا ان نتقدم بجزيل الشكر للمهندس هيثم حسين على هذا الحوار الشيق والمثمر .
نتقدم بالشكر للمهندس هيثم حسين على توفير فرص العمل للشباب من خلال مبادرة هتاكل عيش من مجمع عمال مصر ، من يريد التقدم ساترك لكم ارقام الاتصال .
مجمع عمال مصر :
خدمة العملاء :
01100901200
خدمة التوظيف :
01100901209