الغربة

كتبت نجلا فهمي.

الغربه.. مش غربة وطن
الغربه غربة روح ..
مش لاقيه السكن
والحزن مش احساس
الحزن شيئ ..
ماتعرفلوش مكان
الحزن…
الم يعصرك
وينشر الأوجاع فيك
في كل مكان
فيك يتسكن
والوحده …
الوحده غربتنا وفرقتنا
مننا فينا
ولو حتي كل الاهل
والاحباب والأصحاب حوالينا
لوتُهنا من نفسنا
طب قوللي مين
مين يلاقينا
مالناش وطن
يا معلم الطرقات بحبات
من المطر
سيل الخيااانات فات
وتاهت العلامات
وضاع طريقي وسط السيل
ومر الزمن
وباستني الليالي تمر
ومش حاسبه انتظاري عمر
ضيعته انا في سراب
باستني يعدي..
زمن المحن
مابيعديش
وعمري مافيش
قد اللي راح
وباقيه الجراح…
رغم اللي جرحوني
منهم كتير مات واندفن
وباقيه الغربه والاحزان
وباقيه التوهه والحرمان
وباقي الحزن ساكنني
وباقي الالم ملازمني
والاوجاع بتالمني
ومالي راحه وسط الكون
إلا… لوربك أذن
#نجلا فهمي