إبراهيم سعيد ينتقد تفريط الزمالك في مدافع الفريق
متابعة/ رانيا البدرى
انتقد إبراهيم سعيد مدافع منتخب مصر والأهلي السابق مسؤولي نادي الزمالك بسبب التفريط في أحد مدافعي الفريق المخضرمين، رغم مستواه المتميز مقارنة بمدافع الأبيض الحالي حسام عبدالمجيد.
وقال إبراهيم سعيد في تصريحات تليفزيونية: «فيه كلام إن محمود علاء يقترب من بيراميدز على قد ما الناس مختلفة على محمود علاء من حيث الثقة وكده لكن من وجهة نظري هو أفضل من حسام عبدالمجيد بمراحل».
وأوضح إبراهيم سعيد: «ممكن محمود علاء يكون اتهز شوية بس جمهور الزمالك موقفش مع محمود علاء وسانده بعد الضغط النفسي القوي اللي اتعرض ليه من جماهير الأهلي، بس في كل الأحوال هو أفضل من حسام عبدالمجيد بمراحل كمان، وارد يبقى عنده أخطاء لكنه هو أحسن في خفة الحركة بيعرف يلاعبك كورة مش زي حسام عبدالمجيد».
وأضاف نجم الأهلي السابق: «مش عارف الزمالك هيفرط فيه إزاي طيب هيعرف يجيب بديل له متميز خاصة إن مصر مفيهاش مدافعين جيدين كثير مش عارف والله، وجايز محمود علاء عايز يمشي عشان ما بيشاركش وده حق برضه».
