ماهو الافضل لكي الغناء ام التمثيل ؟ انا فنانه شاملة .. اهم الاعمال الغنائية القريبه لقلبك ؟ كل أعمالي مهمه وقريبة لقلبي وبالأخص أني عملتها بمبداء السنجل وليس الالبوم وليس لدي اغنية حشو أو مش مهمه وجميعها تركت اثر طيب عند الناس هل في تحضيرات لأعمال جديدة ؟ حاليا بحضر اغنية دراما هاتنزل علي شهر تسعه تقريبا .... وعندي سيناريو فيلم بقراة دلوقتي وبردو سيناريو مسلسل من تمن حلقات وبأذن الله خير اسم حضرتك الحقيقي الناس تحب تعرفه ؟ اسمي الحقيقي دوللي وماليش اسم تاني وجنسيتي لبنانيه.... مين المنتج اللي بينتج أعمال حضرتك الفنية ؟ طول عمري بنتج اغانيا وعمر ما حد انتجلي اي عمل غنائي .. مين اكتر مطربة قريبة لقلبك ؟ اكتر فنانه بحبها طبعا اكيد فيروز والفنانه وردة واكيد ام كلثوم ونجاة الصغيرة بحبها جدا جدا وكل الأغاني القديمة سواء بالعربي أو بالانجلش و خوليو اجلاسيوس وداليدا .. الفنانه التي تتمني دوللي شاهين تجسد شخصيتها ؟ في فنانات كتير احب اجسد شخصيتهم زي سعاد حسني صباح وهند رستم وشادية .... ناس كتير اوي بحبهم مين اكتر فنان اشتغلتي معاه وتحبي تشاركية اعمال فنية مرة اخري؟ انا لسه ما اشتغلتش مع فنانين كتير فامقدرش اقولك مين الفنان اللي احب اشاركة ومين لا وممكن اعمل فيلم رومانسي أو غير رومانسي لكن اتمني اشتغل مع كريم عبد العزيز واحمد السقا،احمد عز والناس اللي اشتغلت معاهم كلهم اتمني اشتغل تاني معاهم زي هاني رمزي و هاني سلامه ومحمد سعد... هل المطبخ من أولويات الفنانة دوللي ؟ المطبخ من أولوياتي لاني مش بحب أن حد يعمل اكل لبنتي ومش بحب أنها تاكل طول الوقت من برة البيت عشان كدة بكون حريصة علي دخول المطبخ .... مين من الفنانين أو من الوسط الفني قريب لدوللي شاهين ؟ انا علي مسافة كويسه اوي من كل الفنانين اللي اشتغلت معاهم لكن أن حد مقرب اوي لا ماعنديش ولو في شخص هايكون خالد يوسف لانه صاحب فضل عليا ... هل حققت دوللي أحلامها ؟ بالنسبة لتحقيق احلامي لسه بدري عشان اقول اني حققت خاحة انا لسه صغيرة وما عملتش أعمال كتير وبأذن الله هايكون اللي جاي اكتر من اللي فات واحقق حاجات كتير
