بيراقبها .. بقلم دكتورة /لبني يونس
من بعيد ..بيراقبها
اصله كان في يوم حبيبها
نفسه يعرف ايه أخبارها ،
بيلاقيها سعيدة بنفسها
مكتفيه و مستكفيه بحلمها ،
والضحكة رجعت تاني تنور وشها
اصلها وقفت البكا عليه
وبطلت تشكي الفراق ده كان ليه
وبطلت تقول كانت ايام وكنا زمان
هو …. واقف حيران
فاقد السعاده والأمان
وبيسأل نفسه ..
ممكن غيري يحل محلي !؟
وهي خلاص نسيت ايامي
اصل بصراحة أنا كنت معاها اناني وساعات كنت عليها قاسي ويمكن كنت بخيل شوية في حناني ….
مانا كنت ضامن قلبها وواثق كمان من حبها ….
داهيه صحيح لتكون نسيتني عشقت غيري ونسيت عشقي
اااه خايف يكون عليها احن مني
تقارن بيني وبينه تعرف اني كنت عليها متجني…..
طيب اروح اكلمها ازاي دنا عكتها
وياما اذيتها وزلتها
وحرقت المراكب بيني وبينها
طب ازاي اقرب منها .
الحقيقة ،،،،
هي لا بتدور علي غيره ولا حتي عليه
هي عرفت قيمة نفسها وحبيتها
وعرفت طريقها وازاي لوحدها تكمل سكتها
