ميكالي يتحمل النتيجة الكبيرة دي في ماتش المغرب بعيدا بقى عن عامل الاجهاد والاصابات

أولا سيبكوا من الهري بتاع إن الاهلي مسابش لاعيبته لان الاهلي حقه انه ميسيبش نجومه زي ما ليفربول كان حقه كده إنه ميسيبش صلاح ولا واتارا إندو لليابان

ثانيا تمن يا عم ميكالي عندك دوري في 15 نادي تانيين برة الاهلي والزمالك وبيراميدز في لاعيبة فيهم لو كنت اخدت منهم كم عنصر فوق السن أو من السن الأوليمبي كانت القايمة هتكون افضل من كده

عمر الساعي وحسام اشرف ابرز اللاعيبة اللي كانت تستحق الانضمام

اكتر من مدافع مميز كان يقدر ياخد منهم واحد على الاقل عشان يدعم خط الدفاع زي محمد اسماعيل لاعب زد وكالوشا لاعب انبي وزي احمد رمضان بيكهام وايمن اشرف

اخد 3 لاعيبة كان بيخرجهم برة الاسكور رغم انهم افضل من ناس اساسية بتلعب زي محمد حمدي “انبي” اللي يلعب على الدبيس عادي

محمد مغربي افضل من عمر فايد ومحمد طارق اللي بيلعبوا عليه

اتصاب منه احمد عيد ورغم انه واخد احمد سيد عبد النبي لاعب زد قالك لا هلعب بمحمد شحاتة اللي هو افضل كتير في وسط الملعب او الهاف رايت ومش باك اصلا

وبالتالي ميكالي عمل كوارث فنية كانت سبب في النتيجة دي

ورغم كل دا هو الراجل كتر خيره وإنجاز له انه يوصل بالجيل دا للمرحلة دي
متابعه/فاطمه ابراهيم