قبل مثوله أمام الجنايات.. ماذا قال عصام صاصا فى قضية دهس سائق على الدائري؟

يمثل عصام صاصا، مطرب المهرجانات، اليوم الأحد، أمام محكمة جنايات الجيزة، المنعقدة بمحكمة جنوب القاهرة، لنظر محاكمته في تعاطي المواد المخدرة والقيادة تحت تأثير مخدر ودهس سائق على الطريق الدائري عقب ضبطه في المطار وترحيله.

وقبل نظر المحكمة التي ستطلق عقب ساعات نستعرض أقوال عصام صاصا في تحقيقات النيابة العامة حيث جاء في محضر سماع أقواله أن القضية حملت  رقم ٦٧٣٥ لسنة ٢٠٢٤ جنح الطالبية والمتهم دهس مواطن بسيارة شيفروليه كامارو سوداء اللون تحمل لوحات معدنيه رقم “س ي ر ١٤٣٨”، سارية التراخيص صادره من ميناء الإسكندرية، وتبين أن المواطن ضحية الدهس توفى في الحال نتيجة  نزيف في المخ والصدر والبطن.

وعن اتهامه بقتل المواطن أحمد مفتاح، نتيجة الإهمال والرعونة في القيادة وعدم اتباع القواعد والقوانين قال: «الكلام دهدمحصلش».

وعن ظروف ضبطه قال عصام صاصا: «اللى حصل أنا كنت شغال فى المعادى فى مكان اسمه روفى وخلصت الشغل واتحركت على الساعة ٤.٣٠ صباحا وأنا ماشي على الدائرى مروح البيت وعند بنزينة موبيل اللى قبل طلعة الوصلة كان في عربيتين على شمالي مش شايف منهم ولقيته مرة واحد قدامى ومعرفتش أروح في أي حتة فخبطته ولقيت الزحاج والكبوت في وشي ووقفت والناس اتلمت وعرفت أنه مات وهو ده كل اللى حصل».

وتابع: «حدث ذلك في ٢٠٢٤/٥/٦ الساعة ٥:١٥ صباحًا تقريبًا، وكنت لوحدي، وأن السيارة رقم س ي ر – ١٤٣٨، ملكي وباسمي، من حوالي 5 شهور، واللي حصل أنا مرة واحدة لقيته بيعدى الطريق ومعرفتش أعمل أي حاجة عشان مكنتش شايفه بسبب العربيات اللي جمبي، وكنت ماشي على سرعة 70، وملحقتش استخدم آلة التنبيه ولا الفرامل، أنا ملحقتش أعمل أي حاجة».

وعن حالة الطريق قال: « مكنش فيه عربيات كتير بس كان فيه عربيتين جمبى واحدة منهم الملاكي كانت هتخبطه قبلى بس عرف يتفاداه وأنا معرفتش، والطريق كان ضلمة، وهو ظهر قدامى فجاءة وأنا ملحقتش أعمل حاجة ولو كنت اقدر اقف كنت وقفت بس وأنا مكنش قصدى اخبطه، والعربية حصل فيها تلفيات،  وش العربية كله باظ والزجاج والكبوت والاكصدام، ومفيش خلافات بيني وبين المتوفي دي أول مرة أشوفه».