مروان بابلو لـ أنس بوخش: فيه لخبطة في دماغي وجوايا بركان
رانيا البدرى
تحدث مطرب الراب مروان بابلو، عن ملامح الحالة النفسية التي يمكن أن يصف نفسه بها، كما تحدث عن المحطات المهمة في مسيرته الفنية والشخصية.
وقال مروان بابلو خلال لقائه مع الإعلامي الإماراتي أنس بوخش ببرنامج «ABtalks»عبر موقع «يوتيوب»: «ممكن أرسم واحد هادي وثابث، جوا دماغه زحمة أوي».
وأوضح «بابلو» أنه يحرص على إظهار ملامح جامدة تشبه ملامح لاعبي البوكر قائلا: «بقيت بوكر فيس، واللي يجيبه ربنا كويس، وبتعامل على هذا الأساس، لكن في لخبطة في دماغي، بس بحاول قدر الإمكان أبقى متزن بعض الشيء، وجوايا بركان زي كل الناس».
وتابع: «في فترة كنت حاسس إني الوحيد اللي دماغي بتفكر كده، والوحيد المختلف، وبعدين لما تكبر مع الوقت وتنضج تلاقي كلنا زي بعض مع اختلاف المسارات».
وقال مروان بابلو إن تغير نظرته إلى المكاسب المادية مثّل نقطة تحول بالنسبة له، مضيفا: «دي كانت نقطة انتقالية في حياتي، إن الانبساط ملوش أي علاقة بحاجة مادية، أنا بس كنت محتاج أحس إني مش لوحدي، وإن في حد زيي بيمر بالتجربة دي، الحاجات دي لا تمتلكني، الشهرة والفلوس والناس الجديدة اللي أنا عرفتها».
