تركتى العقل يتحكم ف نبض القلب و ليه القلب ما ينبض كدا براحته ؟ و لما الدنيا تضحك لى و تضحك لك و نستكتر كدا الفرحة على قلوبنا وندبحها بسكينه قرار العقل و يوم ما تجيلنا فرحتنا نحاكمها و نحكمها بقسوتنا باسم العقل كرهت العقل وسنينه و مليت من قيود الفكر اللى جنتنا وكان الحب جنتنا بتبنى جدار مابين قلبى و بين قلبك ؟ بتبنى جدار بيمنع قلبى من حبك ؟ وناسيه انك انتى القلب وانتى الفكر و انتى الحب و جنونى لو الدنيا بقت بينى و بين حبك ولو عقلى كدا وافق على بعدك على خطة لقتل الحب حتفضل روحى تشتاق لك و تفضل عينى شايفاكى و حبك هو دنيا القلب و ببعادك يغيب العقل
