قابلني و الأشواق في عنيه سلم شعر محمود رمزي خليف
شعر محمود رمزي خليف
(قابلني و الأشواق في عنيه سلم )
ولا كان في بنا خصام
ولا كان في بنا بلوك
شوفت النعيم في إديها
والحر أصبح عبد
وهي دي بذّات
قادره بكل ثبات
تحيني من تاني
تسبني وحداني
وفجأة.. أكون مهموم
أبص من الشباك علي نظرة لعنيها
ولحظة رضا بتكون
مش واحدة دي عادية
الآه تكون هِيّا
قوليها يا عنيا
حبك دا حب الروح
والروح دي عشاقة هواك
والفكر بيك مشغول
اعشق كأني صغير
متعلق بحضن أمه
وتملي وأنا ويّاك
بكون في فرح عريم
وتملي ما يسعنيش
غير بس أقول الله
الله دا أصله حنون
حنني لإديكي
وحكم علي هواك
الأسر في طوعك
أنا لو خيروني ياناس
ما اختر في بعدك يوم
وبقولها من قلبي
بعدك يا ست الناس
الروح تكون ناسيه
قربك دا فضل عظيم
كأرض وجالها النور
يحميكي من قلبي
فضلك يا ست الناس
في لحظه من قربك
تعرف تبات مبسوط
تقدر تكون حساس
تغرز في ارض البور
تزرع ورود للناس
وأنا كنت قبلك قطر
عمره ما كان لي صديق
عمري ما هدي للحد
ولا وقف عشان ساعات
ممنولك بقلب كبير
يعيش لأجل رضاك
ويكفي في وجودك
مطلبشي الا رضاك
محمود رمزي خليف
