وعد مني  بقلم الشاعر محمد غبن

وعد مني

بقلم الشاعر/ محمد غبن

وعد مني ياحبيبتي

أحافظ علي شعورك وإحساسك

إنتي ضي عينيا قلبي

قالي هي دية كل ناسك

يعني إطمني خالص

عمر ماهفرط فيكي ثانيه

إنتي بقيت متربعه

ساكنه قلبي أغلي من الدنيا

بس إسمحيلي تعبت

من كتر بعادك

لو اطول آجي لعندك واخبط علي بابك

أطلب وقتها

عطف قلبك أطلب كل حنانك

ولا كتير عليا إحساسك

حني بس عليا كل

اللي محتاجله هوا وصالك

ولا خلاص رجعتي عن حبك

وبتسحبي الوقت كلامك

ويبقي ذنبي في رقبتك

علي عمر راح في إنتظارك

ساكته ليه مابتتكلميش

إوعي تقوليها

ايوا خلاص ميهمنيش

طيب وانا أيه اللي استفدته

من سؤالي ليكي غير مفيش

طيب ماتقوليلي ع اللي

في دماغك وليه سكاتك

بلاش أحس إني تقيل أو لا قدر الله كأنها لحظة وفاتك

أرجوكي إذا كان

كدا عرفيني وانا اسيبك

ووعد مني مش هزعجك

أو اكون عقبه في طريقك

وأسيبك تعيشي وتنعمي

مع حد تاني يكون حبيبك