من أكبر التحديات اللى فى حياتنا أننا نحافظ على هدوئنا وثباتنا .. بقلم/د. اماني نور

كتبت د/ أماني نور استشاري الصحة النفسية والإرشاد الأسري والزواجي

من أكبر التحديات اللي في حياتنا كيفية المحافظة علي هدوئنا النفسي وكيفية المحافظة علي الثبات الداخلي …..ا

وازاي نعرف نعيش فى حالة من السلام الداخلى حياتك عاملة زى المشروع لازم تستثمر فيها وتحقق توازن واستمتاع بكذا شكل ومن كذا طريق ..

اهتمامك بجودة علاقاتك .. طريق 

اهتمامك بنفسك وبصحتك وترفيهك ..طريق 

اهتمامك بعقليتك وأفكارك ..طريق

اهتمامك بانفعالاتك ومشاعرك ..طريق

اهتمامك بشغلك وتطويره ..طريق

كل الطرق دى هى اللى بتوزنك فى الحياة وتخليك شخص له جذور ثابت ومستمتع ..وصعب كسره..

التركيز على جانب واحد بيفقدك الاتزان وبيحجب مع الوقت رؤيتك لباقى الجوانب ..

لو حطيت كل تركيزك فى الحياة ومتعتك فيها على جانب العلاقات هتتصدم كتير وهتتفاجئ ان باقى جوانب حياتك محصلتها صفر ..والعلاقات ماكنتش السند الكافى ليك ..

ولو حطيت كل تركيزك على نفسك واهملت باقى الجوانب هتلاقى نفسك مع الوقت شخص وحيد تعب اللى حواليه من أنانيته..

ولو ركزت على شغلك بس هتتفاجئ إنك ضيعت جوانب متعة كتير بتوزنك فى الحياة وهكذا باقى الجوانب ..

“لا إفراط ولا تفريط “..خليه مبدأ فى حياتك فكر نفسك بيه طول الوقت ..حياتك شبكة متوصلة ببعض لازم تدرك كل جوانبها..

مفيش شخص متوازن بيعتمد على جانب واحد ..

جوانب الامتاع والسعادة فى الحياة كتير ركز تشوف وتحصر جزء منها ..

العلاقات جانب ..

حالة السعى والشغل جانب.. 

اهتمامك بنفسك وافكارك ومشاعرك وصحتك جانب .. 

استمتاعك وتواصلك مع الطبيعة وتأملك فيها من أهم جوانب الاستمتاع والتوازن والتفريغ لأى ضغوط ..

دوّر فى كل لحظة فى يومك عن تفاصيل السعادة اللى ممكن تستمتع بيها عشان تعرف تواجه ضغوطك وتتزن ..

ازرع فى مخك فكرة ..”اللى بيدور على السعادة بتدور عليه”…

و ده كله من خلال تواصلنا مع نفسنا بشكل أعمق ..

عشان نحقق الحالة دى محتاجين نفهم مشاعرنا مصدرها وهدفها ووظيفتها ازاى نتواصل ونتعامل بشكل سوى مع مشاعرنا وانفعالتنا..ازاى نتحكم .. وازاى نكتسب مهارة الذكاء الإجتماعى .. وهل ينفع نكتسبها فى اى سن