فرصة حب من ديوان بياع الكلام بقلم الكاتبه والأديبه إيناس فوزي

💕 فرصة حب 💕

كان نفسي ..

أكون في صورته لون

كان نفسي ..

أكون صدى لصوته

يهز الكون

كان نفسي اكون ،

و كان نفسي اكون

كان نفسي ..

منه أسمع ندا

كان نفسي ..

نبض قلبي يكون لقلبه الفدا

كان نفسي اكون ،

و كان نفسي اكون

كان نفسي ..

منه أحس الحنان

كان نفسي ..

معاه أعيش الأمان

كان نفسي ..

يكون لي دار ،

و يكون بيا بار

، و ما اتوه في حضن عينيه

و لو العدو علينا غار

كان نفسي أكون ،

و كان نفسي اكون

ما ادانيش فرصة حب

، و لا صانش نبض القلب

ديوان

💕 بياع الكلام 💕