انت دماغك فاضيه .. بقلم/د. لبنى يونس
انت دماغك فاضيه
انت ماعندكش هم يشغلك
انت ياعم مكبر دماغك
انت ماوراكش مسؤوليات
انت مش حاسس بحاجه
انت عايم علي وش الفته
انت علي طول مبتسم مش شايل الهم
كلها كلمات ممكن تسمعها من ناس
عشان انت واخد كل الامور ببساطه ورامي حمولك علي الله
وراضي بنصيبك من الدنيا وبتحمد ربنا
و مش بتشكي همك غير للي خلقك
و ممكن تكون اكتر منهم مسؤلية وعندك هموم فوق طاقة البشر وعلي اكتافك احمال تأن من تقلها الجبال و التزامات فوق طاقة العباد لكن مبتسم وراضي ومسلم امرك لله
وعارف أن الابتسامه صدقة وان الشكوي والتكشيرة مش حل ولا من تعاليم الإسلام ….
وان عارف ان الشكوي لغير الله مهانه ومذله….
انت مش مكبر دماغك انت رااضى
