الشرع حلل أربعة .. خاطرة بقلم: د/ لبنى يونس
هتجوز عليكي
من حقي لو زعلت منك اتجوز عليكي
لو ماطبختيش الباميه اللي بحبها هانجوز عليكي
لو فتحتي الشباك ولا قفلتي الباب هتجوز عليكي
لو نمتي بدري أو سهرتي وانا اللي نمت هاتجوز عليكي
لو اشتكيتي من مفاصلك ولا وجع في رجلك ولا ضهرك هتجوز عليكي
لو عملتي القهوة سادة ولا حتي سكرها طلع زيادة هتجوز عليكي
لو لويتي بوزك في وشي ولا في وش اهلي ولا علي اصحابي وعلاقاتي اعترضتي مهما اذوكي أو هانوكي
والزمن جه بغدره عليكي مش هارحمك وهتجوز عليكي
انا بالحب من زمان مشتريكي
بس انا راجل طبعي كده مش ليكي لاء عليكي
و ماينفعش احسسك الحماية والأمان
لازم تعرفي معني ان اسيبك
وتدوقي طعم الحزن والحرمان
الجواز والتعدد من حقي وشرع ربي
حتي لو رفضتي وقولتي لاء وده من حقي
هتجوز عليكي
