الست لما بتمشي من علاقة .. بقلم/ د. لبنى يونس
الست لما بتمشي من علاقة
بتمشي حته حته
أيوة يافندم زي ما قريت كده حته حته وجزء جزء
لما بتتنقدها طول الوقت… حته
ولما بتحسسها انها مش فارقة معاك ووجودها زي عدمه…. حته
أن معارفك وصديقاتك وزملائك افضل منها عندك …. حته
لما تسخر منها أو تستهين بمشاعرها …حتة
و لما تحس ان زعلها أو غضبها وكسرة
قلبها مش فارقه معاك … حته
لما تتخلي عنها وقت ما تكون عايزاك سندها وضهرها وواقف جمبها ومحتاجه وجودك بجد…. حته
لما تهينها قدام الناس وتغلط فيها وتحسسها بنقص فيها
أو تعيرها بتقصير منها ….حته
لما ماترحمش ضعفها وتتلذذ بدموعها وحزنها …. حته
لما ما تلاقيش في حضنك الامان والحماية والحنان
مابقاش ليك جواها ….. حته
