مبشرين بالجنان.. قصيدة للشاعر/ معوض حلمي
ناديت للمداوي يداوي المرض
ويوصف لي دائي وإيه العرض
قال لي هواهم مخالف هواك
وقال لي دواك من زمان إنقرض
فرحت المقابر وسيبت الديابه
أصحي اللي ماتوا وسابونا غلابه
يمكن ألآقي ف سلامهم هوايا
والآقي دوايا ف حكاوي الطيابه
وقلت هاخاصم عقول الغباوه
وافتح عينيا واشيل الغشاوه
واعود للبداوه والعود أحمد
مشتاق للصحابه والنبي أحمد
والسيره بينا دليل من أول التنزيل
بتشق عتم الليل لاجل الأمان يسعى
وإذ هما في الغار جاءهم يسعى
تعبان وكان غدار بس الصدور واسعه
أبو بكر خل ووفي إتحمل اللسعه
ورب القلوب ستار حط الحمام ع الغار
وضلل الكفار ،،، فتح طريق للدعوه
اختار لها الأخيار عمر ميزان العدل
فاروق وليه الفضل باني الأساس ومتين
عثمان ياذو النورين لك في الكرم دواوين
جامع آيات الدين دونته في المصحف
واحلف يمين الله في قلبي نام نجواه
حب الإمام العتره فدائي بالفطره
يشهد عليه السيف حارب دواعي الزيف
فقيه وعلمه شريف القرب ليه تشريف
زارع لنا الفكـره فصحينا م السـكره
واسأل أمين الأمه ع العهد والذمه
طول عمره في القمه طيب عشانا جراح
( ابو عبيده بن الجراح )
في الحب كان جراح لاجل الأماني تعود
وطلحه شد الوتر نبع الكرم والجود
شق صدر الخطر وبعزم عدى حدود
إسمه الشهيد الحي فرد الخطاوي ضي
ع الارض خير ممدود والعبره في الذكرى
فتحت طريق بكره شالها حواري الرسول
نبراس وسن أصول فارس وشد لجام
مد الوفا بإصول زبير يابن العوام
خلي الطريق موصول عشان نصول ونجول
ونعيشها بالمعروف حود علينا وطوف
وشوف جمال بن عوف
وإزاي هاننسي كفوف بدرت صنوف الخير
كالها البشر والطير مدت شذاها عبير
وانت الوفي ع العهد ومعاك مآثر سعد
في الحق ماتتعد ولأنه خالي الذنب
شاف الملايكة معاه بيحاربوا جنب لجنب
والنهج سنه وفرض واصل سعيد بن زيد
طارح كما الأفنان وف بيعة الرضوان
إتجمعوا الخلان في رباط متين عشره
مبشرين بالجنان والرك ع العشره
مبشرين بالجنان والرك ع العشره
…………………………………………
بقلمي معوض حلمي الفلاح الفصيح
منشأة بطاش تمي الأمديد دقهلية
